Печено јагнешко со зеленчук

Порции

4 лица

Состојки

• 750гр. јагнешко месо
• 1 лажица маслиново масло
• 200гр. моркови
• 400гр. млади компири
• 2 лажици путер
• 1 лажичка рузмарин
• сол и бибер
• 200гр. млада боранија

Прелив

• 60мл. соја сос
• 300мл. вода
• 1 лажичка густин
• 80мл. црвено вино

Подготовка

Загрејте ја рерната на 220 степени. Зачинете го јагнешкото со сол и бибер по вкус. Загрејте масло во тава на силен оган. Пржете го парчето јагнешко по 1 минута од сите страни.
Поставете го јагнешкото во плех и наредете ги околу него морковите и компирите. Додадете путер и зачинете со рузмарин.
Печете го месото и зеленчукот 20 минути.
Сварете ја боранијата во тенџере зовриена вода, околу 10 минути. Процедете ја од водата. Во сад измешајте лажичка густин во ладна вода. Во тава измешајте соја сос и црвено вино и гответе ги околу 1 минута. Додадете ја водата и густинот и мешајте додека смесата да се згусне.
Сервирајте го јагнешкото и зеленчукот во чинии. Додадете од варената боранија и прелијте го месото со сосот.
На здравје!