Состојки
- 2 пилешки копани
- Полна рака костени
- Неколку листови кељ
- 100 грама сланина
- 200 милилитри црвено вино
- 1 коцка за пилешка супа
- 100 милилитри вода
За подготовка на овој рецепт користиме Делимано Тава за пржење и Делимано Ростер.
Подготовка
Чекор 1: На почетокот ќе ги свариме и исчистиме костените. Засечете вркстени линии во костените со остар нож и потоа ставете ги во студена вода. Зовријте ја водата и оставете ги да се варат во неа околу 3 минути и потоа исклучете го огнот. Вадете ги костените еден по еден и едноставно излупете ја лушпата. Немојте да ги вадите одеднаш затоа што ќе бидат потешки за чистење кога ќе се изладат.
Чекор 2: Време е за сецкање: Исечкајте ја сланината во форма на лентички и потоа крупно исечкајте ги листовите кељ. Овде мора да се користи кељ затоа што неговата уникатна текстура многу влијае на крајниот вкус на јадењето.
Чекор 3: Засечете ја кожата од копаните и зачинете со масло, сол и бибер. Пржете ги во тавата на силен оган додека да заруменат и потоа превртете ги од другата страна. Нивната подготовка ќе ја завршиме во рерната.
Чекор 4: Ставете ја сланината во истата тава и пропржете ја. Потоа ставете ги и кељот и костените. Пропржениот кељ е многу вкусен и има неверојатен мирис. Немојте предолго да ги пржите овие состојки, но сланината треба да биде крцкава.
Чекор 5: Повторно во истата тава ставете го слаткото црвено вино, една коцка за пилешка супа и малку вода. Крчкајте ја течноста додека да добиете сладок и леплив богат сос... И спремни сме за сервирање.
Чекор 6: Овде јадењето го сервираме на лист кељ обарен на пареа. Ставете го пилешкото, потоа и смесата од сланина, кељ и костени и завршете со сосот од црвено вино.
СОВЕТ: Секој добар готвач е горд на своите сосови. Овој сос има богат и интензивен вкус. Вреди да се вложи време и енергија за сосовите да ги направите исто толку добри колку и храната со која ги служите.
