Дали знаевте дека Доналд е од тетовските села, дека Ганс енд Роузис имаат песна за него, дека и прошлата негова жена е ќерка на човек од Велмеј кој е Македонец како Шакира?

Муабетот ми е, ако излезат сите тие на гласање, зошто јас треба да се надевам дека ќе добијам поинаква влада од овие што ги имав во последнава декада?

Слободанка Боба Ѓудерија најтопло ви ја препорачуваме за читање. Досега не сме ја преведувале затоа што е мерак да се чита баш во оригинал, на нејзиниот јазик, на кој е сочна, разиграна, урнебесна и поштено заебана. Кој го читал Ѓермано - нека му е лесна земја - Сењановиќ, јасно му е. Такви шмекерски ракописи на македонски јазик звучат како Бетовен отсвирен на укулеле.

Да го објавиме овде, пред нашиве од Букбокс и Офсајд филозофски да се закараат на која рубрика поприродно ѝ припаѓа содржина чиј главен јунак е фудбалер а тема е литературата. "Фудбалер кој чита чита" можеби звучи како оксиморон ама младиот Давид Бабунски на шампионски начин го руши тој стереотип. Браво дечко.

После Лили Марлен ова е најголемиот музички предизвик на германски јазик со кој се соочува стариот континент. Дамен унд херен, ви го претставуваме пејачкиот биљбиљ аус Мацедониен, Васил Атанасов и неговиот убер хит "Wer hat uns getrennt"! Ако Дејвид Хаселхоф помогна да се сруши Берлинскиот ѕид, ова ќе помогне тој повторно да се дигне. 

Колку треба да си без работа и без идеја па своето компјутерско познавање да го искористиш за да хакнеш сајт на средно училиште?

"Најважно од сè е да не заборавиме на простувањето и на милосрдието. Бидејќи тој што има милост во себе ќе биде најголем победник на оваа планета", вели штипскиот шаман, човекот кој го гледа светот низ различни бои. 

Оклопниот скептик е еден јутјубер кој ремети и раскринкува идеи од оној недефиниран простор на кој виреат конспирации, верски фундаментализам, џанк наука, кемтреилс, Земјата е рамна, вонземјани се меѓу нас и слични симпатичности.... Некако дошол до 'hilarious' емисија на Миленко за кој мисли дека е Русин или друг облик на живот од источна Европа, матичната татковина на ваквите идеи.

Штом е мешап, тогаш е Апостол. Штом е Апостол, тогаш е беспрекорно.

Ако можевме на Кензо да им објавиме бесплатно реклама, можеме и на овие (ова ради нашиот финансов да не ни се секира). А се надреални повеќе отколку што би можел да се охрабри Спајк Џонз. Особено последната сцена, кога мали човечиња трчаат накај големото комбе! Линч. Дејвид Линч.

Све истрпев, за на крај да го зададете завршниот удар: Сол макарон значело „Ја сум педер“. Е не може!

Милан „von Makedonien“ Мијалковиќ е наш побратим со кого ја делиме и љубота кон Шева и радостите на животната филозофија „се вреѓаме само за убаво, лажеме само кога се мора“. Архитект по образование, а оратор по убедување, Македонецот решава на својот народ да му открие една голема тајна, архивирана и кодирана во устите на скопската дечурлаана, цели 6 века.

По Виена и Белград, овој речит и силен говор добива прилика да допре до ушите и на македонската публика за која сме сигурни дека ќе го разбере интуитивно и органски. Го добивме со помош на неговиот автор, еден скопјанец и Македонец кого странскиот печат некогаш го опишува како "архитект и екстремист". А каде е архитектурата и екстремизмот, таму е и - Скопје 2014.  

Среќа што сум постар, велам,
и сум сфатил дека
патот на мнозината не е
патот на вистината.
Ни бил, ни ќе биде.

Македонија на Бугарија секогаш ѝ го давала најдоброто од себе. Така било некогаш, така е и сега. Особено сега. Затоа што... заслужуваат.

Кратка видеоприказна за гевгеличанецот Илија Џаџев (1926 - 1991), професор по географија и музичар. Претпладне ја шетал едната публика низ светот, попладне на друга публика ѝ носел дел од тој свет.

Таман седнав да пишувам (вторник, околу 23:30 часот), кога, види беља – здрмува земјотрес. Извежбаниот народ реагира како специјална единица на АРМ: веќе во четвртата секунда од тресењето се слушаат панични удари на папучи по скалите, во седма пред зграда е собран цел куќен совет, во 15-та почнува лицитација со Рихтеровата скала.

Не престанува нашата фасцинација со бугарскиот јазик, во последно време разгорена од текстот за пушењето (Първо трябва да се почуди малко) и четот со Иван (Иване, дадох ти путка, не бъбрек) и озбилно планираме да запишеме курс и везден да си збориме на бугарски, пошто ова македонскиов веќе не ни врши работа.

Понеделников (05.09), додека шиба блуз на неговиот Џез ФМ, замина Љупчо Хаџи-Стефанов. Хевивејт џентлмен и стара скопска коска, мичуринска.

Со ќеиф ги читавме и ги споделувавме неговите записи од Америка бидејќи дечкото пишува онака како што сакаме да читаме: разиграно, шарено, со фина драматика а без потење. Првата сезона е заокружена. Што значи дека ќе има и втора. 

Ова е третпат на сајтов да имаме музички избор на Васко Атанасоски (ака Васе Бумбикс од Бернајс). Еднаш како стандарден диџеј во Трендоленд, еднаш со неговата просветителска бегалска плеј листа и сега, со микстејпот "Дватрипетшенаесет август ’16". Ама па што да правиме кога е добар.

Промоција на монументалното научно дело "Зета Македонија" од Бранко Сотировски по чиј есап испаѓа дека Македонците се стари 400.000 години. Тек да ви е јасно зошто сме толку уморни.