Сакам да нагласам дека МАНУ ги подржува сите активности поврзани со Годината во чест на Блаже Конески. За жал, се ова што се случува поврзано со Конески, ме потсети на неговите стихови:
„Ќе дојде време на лажни пророци
Што божем во мое име
Ќе ве збираат по плоштадите
Ќе креваат врева до небеси,
Ќе се бувтаат во градите.
Немојте да им верувате!
Тие мислат само на себеси.
Што дека прогласуваат
Дека ве спасуваат!...“
Последниот удар, во името на Конески, што се подготвува да се направи на Филолошки факултет кој го носи името на Блаже Конески, се „реформите“ на факултетот со кои престануваат да постојат катедрите по македонскиот јазик и македонската книжевност. УКИМ, МАНУ и други институции се формирани заради македонскиот јазик и македонската книжевност. Пораката што се праќа со укинувањето на двете македонски катедри и дома и надвор е јасна. Тоа ќе предизвика, што го знаат подобро поупатените од мене, лавина непопуларни реакции во светот по однос на македонистиката, што ќе резултира во гаснење на многу катедри/отсеци ширум светот каде што се учат македонскиот јазик и книжевност. Не верувам дека овие зборови ќе допрат до некого, но јас сакам да ги изречам.
Уште еднаш ви посакувам денес успешна работа. Ќе повторам, МАНУ ги подржува сите активности поврзани со Годината во чест на Блаже Конески. И посакувам успешна Годината во чест на Блаже Конески.
Љупчо Коцарев,
претседател на МАНУ
26.02.2021
****
Бонус од професор Јасна Котевска:
Викаат против оваа багра емотивност била мана. Викаат треба перфидно, подло, ладнокрвно, арогантно. Можда, ама друже сите кои играа вака ги нема веќе, буквално умреа. Искрено, немам поима како треба, мене вака ми иде. Македонистика има да ја има, па да ми е последно. Тоа е.
Не е Филолошки бе на мајка ти нивата. Ни почнало со мене, ни ќе заврши со тебе. Не укинувај македонистика, немаш таков смер никаде во светот.
Не слуша тоа. Тоа тера само, ко теле.
Кој ве направи вакви бе?!
