Необични и скандалозни муабети се вртат околу скијачките скокови пред официјалниот почеток на Зимските олимписки игри во Милано и Кортина. Наводно скокачите на скии можат да ги подобрат своите настапи ако вбризгуваат хијалуронска киселина во пенисот со цел да летаат подолго поради пошироки спортски одела.
Легендарниот Рони О'Саливен испадна рано во осминафинале на Светското Гран При во снукер откако подобар од него беше Кинезот Сијао Годун. Од турнирот испаднал уште еден голем фаворит, Бари Хокинс кој бил елиминиран од Чан Анда од Кина.
Фредрик Мелер доживеа тешка повреда при пад во спуст, на првиот тренинг во пресрет на Зимските олимписки игри во Милано и Кортина, кои официјално стартуваат во петок.
Натпреварите на Зимските олимписки игри во Милано и Кортина започнаа пред официјалното отворање закажано за петок вечер во Милано. ЗОИ стартуваше со мешани двојки во карлинг, а допрва следуваат врвни средби во хокеј на мраз, лизгање, скијање и сноуборд, дисциплини кои ќе бидат во фокусот на Зимските Олимпски Игри.
Карлингот се врати како спорт за медали после 74 годишна пауза. На игрите пак во Нагано 1998 дебитираше сноубордингот. Слоупстајл и хафпајп фрискинг беа додадени во програмата во Сочи 2014 година. На Зимските Олимписки игри во Милано Кортина (6-22 февруари) ќе има нов спорт кој се вика скимо.
Исландскиот ракометен стратег, кој лани освои сребро со Хрватите на Светско, а сега бронза на Европското, го бива не само на спортски терени. Вчера видовме како знае да тера ќејфови со гитарата во кафана, а сега налетавме на видео и од бина.
Џовани Мпетши Перикард е 57-ти на АТП и веројатно прв тенисер на кој му успеало вакво нешто со топчето. Се работи за турнир во Монпеље. Епилог? Морал да го предаде мечот поради болки во окото на крајот од првиот сет.
Неверојатната јапонска култура, уникатна во светот, ја гледаме често преку видеа од разни ситуации. Сега стаса нешто од епизода во јапонска одбојка. Играч ненамерно погодил со топка некого во публика и доаѓа да се извини.
Изгледаше дека може, одигра перфектен прв сет, но потоа следуваше пад по кој само привремено се врати и ја одржа неизвесноста. Карлос Алкараз е новиот шампион на Австралија опен.
Во лавовска битка, Новак Ѓоковиќ го доби 14 години помладиот Синер, кој потклекна на искуството и инаетот на великанот со 24 Гренд слем титули. „Нешто сте рекли“, гласеше неговиот натпис на камерата, наменет за оние во Србија кои не се баш од негова.
Во 5 сета, после 4 часа и 30 минути страшно исцрпувачки тенис, Новак Ѓоковиќ го совлада првиот светски рекет број 1 Јаник Синер: 6-3, 3-6, 6-4, 4-6, 4-6 и закажа големо финале за в недела против 18-години помладиот Карлос Алкараз.
На штотуку завршеното Европско првенство во ватерполо 2026 во Белград на кое репрезентацијата на Србија освои злато, многумина се прашуваа како е можно од кошаркарски паркет преку ноќ да се монтира гигантски базен?
Новак Ѓоковиќ на полни 38 години, за четири месеци полни 39, уште не им се дава на младите и ги ренда барем до финале. Денеска го чека мега битка со Синер, вредна финале на Австралија опен каде веќе се пласираше Алкараз. Како тера со овие жуљеви?
Во неверојатен дуел, во најдолго полуфинале во историјата играно цели 5 часа и 27 минути на Грен Слемот во Мелбурн, Карлос Алкараз водеше 2-0 во сетови против Александар Зверев. Германецот по којзнае кој пат одигра неверојатен меч но се испостави дека менталната сила во драматични завршници не му е најсилна страна. Зверев израмни на 2:2 а во решавачкиот петти сет имаше водство 5:3 и меч-топка за победа. Но ја испушти и до крај Алкараз освои 4 гема и славеше 7:5 за пласман во големото финале!
Српскиот тенисер утре рано изутрина по наше време го очекува голем мегдан со неверојатниот Италијанец Јаник Синер кој експресно како брз воз стигна до полуфиналето во Мелбурн на Австралијан Опен. Ѓоковиќ денес тренирал со Македонецот Даниел Јовановски кој му бил спаринг партнер. Јовановски е роден во Австралија, игра за оваа земја но има македонски корени.
Новак Ѓоковиќ, кој во мај полни 39 години, во петок ќе игра полуфинале против Синер на Австралија опен. Новинар на прес се впушти во прашање, кое многу погрешно го формулираше, дека прво за титули ги бркал Надал и Федерер, а сега Синер и Алкараз. Му се извини.
Најдобрата светска тенисерка Арина Сабаленка од Белорусија брзински ја совлада Украинката Елина Свитолина во полуфинале на женскиот турнир на Отвореното првенство на Австралија и се пласираше во финале. Таму ќе ја чека победничката од дуелот Елена Рибакина - Џесика Пегула кој се игра денес.
Новак Ѓоковиќ без борба го доби четвртфиналето протв Лоренцо Музети кој го предаде мечот поради повреда и тоа после водство од 2:0. Во вториот сет Италијанецот во игра на мрежа погоди во аут, но Ѓоковиќ му дофрли на судијата дека го допрел топчето со што му помогна да ја смени одлуката во корист на Музети. Ова ретко се гледа во тенис.
Новак Ѓоковиќ на неочекуван начин ја мина четвртфиналната битка на Австралија опен. Губеше 2:0 во сетови од Лоренцо Музети, кој поради повреда беше приморан да го предаде мечот. „Не знам што да кажам освен дека ми е жал за него. Тој беше далеку подобар играч, а јас бев на пат кон дома. Му посакувам брзо закрепнување и без сомнение требаше да биде победник денес“, изјави Србинот кој во полуфинале ќе игра против подобриот од дуелот меѓу Бен Шелтон и Јаник Синер.
Во големиот класик на светското ватерполо, вечерва пред повеќе од 13.000 гледачи во белградска „Арена“ Србија во финале на Европско првенство го совлада големиот ривал Унгарија 10:7 (3:2, 2:3, 2:1, 3:1) и по шести пат стана европски шампион.
