Нема да одиме со она легендарното од лево на десно клечат/стојат, туку ќе ги респектираме по години. Атанас Костовски, Златко Калински (омилениот), Југослав Костовски, Тони Стојановски, Дамјан Николовски (најмладиот). Не врши работа едно пиво за да ви раскажуваат анегдоти од стотиците и илјадници минути коментирање на разни спортски збиднувата, посебно па со двајцата пензионирани. Инаку за екипата да биде комплетна, фалат уште.

За помладите генерации, Холифилд и Луис беа најголемите ривали на Тајсон во времето кога имаше саглам бокс и тие двајца се дел од вкупно петмината кои успеале да го совладаат. Холифилд го победи во 1996-та, па следната година уште еднаш кога Тајсон беше дисквалификуван поради она славно гризење на увото. Луис пак го порази Тајсон во 2002-ра. И двајцата му дадоа поддршка пред борбата против 31 година помладиот Џејк Пол.

Се работи за шпанската футсал екипа Рибера Навара, ако ви значи нешто. Ниту тргнаа во акција, ниту топка нагазија. Луда работа.

Ветеранската битка која што се чекаше повеќе од една година конечно се оствари. Во Њујорк во спектаклот УФЦ 309 се бореа големите шампиони Џон Џонс и Стипе Миочиќ. Џонс победи и на крај направи шоу со Доналд Трамп кој седеше во прв ред.

Чудо не се случи. 58-годишниот Мајк Тајсон се врати во професионалниот ринг после цели 20 години и прилично очекувано изгуби од младиот боксер-јутјубер Џејк Пол. Тајсон беше пред пораз во третата рунда, зададе само 18 удари а прими 97 и на крај изгуби по судиски поени.

Џејк Пол, синоќа во Тексас, САД, со едногласна одлука на судиите го совлада легендарниот боксер Мајк Тајсон. 31 година помладиот јутјуберот и инфлуенсер му покажа голема почит на челичниот и му се поклони.

Светот е во исчекување, Нетфликс ќе врши пренос, ВИП картите се продаваат по 5 бона. Ќе губи ли стариот или пак без старца нема ударца? И дали е можно да има однапред смислени валкани игри?

Конечно после долго време ќе бидне и долго очекуваната борба меѓу еден од најлегендарните боксери на сите времиња Мајк Тајсон (58) кој веќе одамна е во пензија и младиот, полетен и дрзок американски јутјубер Џејк Пол (27). Борбата е закажана за петок кон сабота после полноќ. На мерењето пред дуелот Мајк му залепи шлаканица на Пол кој остана мирен.

Некогашниот расен стрелец и пеколен шпиц Уругваецот Диего Форлан дебитираше на професионално ниво на свои 45 години. Настапуваше и претходно а сега се појави во натпревар во двојки и изгуби 6-1, 6-2 пред домашната публика на турнир од АТП Челенџер категоријата во Монтевидео.

За време на борбата меѓу Остин Деанда и ДеАндре Петус во Нортфолк, Вирџинија во саботата, ќошето на овој првиот во рингот било претворено во берберница. Во третата рунда Деанда примил еден удар од кој добил оток и не гледал убаво. Му сметало и репчето па луѓето од неговиот тим му го скратиле за време на паузата. На крај Деанда победил и ја забележал 15-та победа од 15 борби во професионална кариера.

Триесет и седум годишната Рејчел Ган, Австралијка која минатово лето на Игрите 2024 во Париз се посрамоти и себе и цела своја земја после кабастиот и грозен брејк-денс кој го имаше на турнирот кој за првпат се играше на едни Олимписки Игри, решила веќе да не се натпреварува. Таа стана позната на социјалните медиуми.

Големиот трикратен шампион и најдобар Формула 1 пилот на денешницата, Холанѓанецот Макс Ферстапен направи нов и досега ретко виден подвиг откако на трката за Големата награда на Бразил стартуваше од дури 17-то место а на крајот со страшен пробој на влажната патека Интерлагос стигна до првото место.

Четвртфинале на УС опен 2007 меѓу Енди Родек, кој ја заврши кариерата со само еден Гренд слем (УС опен 2003) и кој одигра уште три големи финалиња, сите на Вимблдон и сите со пораз од Федерер. Погледнете ја оваа рутина на Швајцарецот на која и коментаторите се чудеа и се прашуваа дали некој друг му го има направено ова на Американецот.

На 17 години, во неговиот роден Базел во Швајцарија, легендарниот Роџер Федерер во својата соба дома имал постери од Шекил О’Нил, Памела Андерсон и погодувате чие знаменце.

„Слемот на шесте кралеви“ кој се игра за прв пат, а домаќин е Саудиска Арабија, стаса до финале откако младоста го победи искуството или поточно ветераните.

Тешко дека може да се направи адекватен избор на најјаки 10 поени од кариерата на човек со 22 Гренд слем титули. Изборот сепак не е лош, напротив фантастичен е и се гледа во еден здив. Пола од овие магии му се против Ѓоковиќ. Лета по теренот и тогаш кога ќе помислите дека само се труди да врати топче од тешка позиција, тој пука проектил.

Стадионот на Барселона, култниот „Камп Ноу“ веќе неколку години трпи сериозна реконструкција поради што екипата игра на Олимпискиот стадион на ридот Монжуик. На интернет се појави видео од страшна тепачка меѓу две тајфи мајстори: Романци и Албанци. За среќа освен повреди немало посериозни последици.

Финалето на Мастерсот во Шангај кое Синер го доби против Ѓоковиќ со 2:0, од трибини го следеше Роџер Федерер во друштво на Карлос Алкараз. „Убаво што те гледам Роџер, посакував да играш со нас, веројатно прв пат играм пред твое присуство, што ми направи притисок“, му рече Србинот на довчерашниот голем ривал.

Новак Ѓоковиќ му испрати прекрасна и емотивна порака на Рафа Надал, со голема доза на респект. Формираа незаборавно ривалство, едно од најголемите во историјата на тенисот и секогаш демонстрираа голема меѓусебна почит.

Во тоа финале кое траеше 4 часа и 48 минути, најдолго до тогаш во историјата на турнирот, Надал и Федерер влегоа со 14 освоени од вкупно 16 претходни Гренд слем титули (12:4 за Роџер). Битката заврши со пресврт на шпанскиот ас кој се врати од 0:2 на 3:2 (6–4, 6–4, 6–7, 6–7, 9–7). Финалето се смета за едно од најдобрите во историјата. Погледнете ги најдобрите поени од мечот. Страшно нешто.

Рафа одигра само 23 натпревари во изминативе две години, а колку е далеку од својата препознатлива форма се потврди и на мечот против Ѓоковиќ на Олимписките игри. Денешната објава за повлекувањето беше очекувана дека ќе се случи за скоро. Заминува како великан на тенисот со 22 Гренд слема и еден куп други успеси и тениски лекции, посебно на земја.

Надал напиша „Благодарам до сите“ на 12 јазици, меѓу кои и на српски и сними видео со кое и се обрати на јавноста дека со настапот во Дејвис купот, што ќе се одржи 19 до 24 ноември во Малага, завршува со професионално играње на тенис.