Верувале или не, уругвајскиот голман Фернандо Муслера веќе 14 години е член на Галатасарај. Легендарниот голман остана долго во турскиот фудбал. Освои еден куп пехари во првенство, во Куп. Сега кога Галатасарај ја обезбеди шампионската титула пред Фенербахче на Мурињо, на мечот против Кајзери, соиграчите му дадоа на Муслера да изведе пенал. Колегата му го процени ама топката на крај заврши во голот.

Атлетико Мадрид го совлада убедливо Бетис со 4:1 во претпоследното коло од Ла Лига. Првиве ќе играат во ЛШ, вториве во ЛЕ. Прво уживајте во страшниот слободен удар на Хулиан Алварез, а потоа во акробацијата на Пабло Форналес кој доби топка во стилот на Иниеста.

Зад името на Деклан Рајс сезонава ќе останат запишани низа на атрактивни голови. Уште се зборуваат двете негови ремек дела против Реал Мадрид, а викендов постигна многу важен гол во директниот дуел за ЛШ со Њукасл. Убавиот погодок значи 3 бода и математички пласман на втора позиција за Топџиите.

Секаде во финишот на сезоната има драматични завршници, солзи радосници, прослави и таги. Некој ќе се радува на шампионска титула, некој на пласман во еврокуп, некој ќе тагува што неговата екипа испаднала во втора лига. Ама она што му се случи на Ајакс е најболен момент на сезоната.

Во последното коло од француската Лига 1, Стразбур кој се бореше за еврокупови и беше при горниот дел на табелата цела сезона, се сретна во неделата со Ле Авр кој се бореше грчевито за опстанок. Домаќините водеа на два пати, но гостите се враќаа. На крај во 90+9-та минута од судиско продолжение пенал за Ле Авр! Се приближува Абдулаје Туре кој и претходно даде гол од пенал. Во последни секунди шут за опстанок во лигата.

На драмата во Серија А и нема крај. Парма - Наполи 0:0, Интер - Лацио 2:2 со пенал во 90-та минута на Педро. И сега обрнете внимание на реакцијата на Марко Арнаутовиќ пред гол во судиско. Ова може да ги кошта титула.

Шампионската трка за скудето во Серија А синоќа достигна кулминација. Во неверојатен финиш каков што само фудбалот може да режира, Интер на коло пред крајот буквално го допре пехарот со раце но на крај веројатно титулата ќе оди во Неапол.

Барселона ја освои шампионската титула во Ла Лига пред една недела и со денови траат прославите на освоениот трофеј. Синоќа Барса изгуби 2:3 дома од Виљареал кому многу му значеше овој натпревар за пласман во еврокуповите. Се забавуваа домаќините а уживаше и син му на голманот Војчех Шчесни.

Денвер Нагетс не успеа да се справи во мајсторката со силната Оклахома, која ги разнесе си 32 поени разлика (125:93). Заврши плејофот за Никола Јокиќ кој треба да одлучи дали ќе игра на ЕП кое стартува на 27 август. Уште не знае што ќе прави, за разлика од пивото.

Сезоната за Барселона е завршена, титулата е заверена, па резултатски ништо не им менува поразот дома од Виљареал со 2:3. Како и да е, Ламин продолжува да се забавува. Овие голчишта со продор од лево, веќе почнаа да стануваат негов белег. Пазете го податоков. Тој е прв играч сезонава во топ 5 лигите во Европа со 150 дриблинзи.

Се врати од пензија на 73 години, после четири децениска тренерска кариера и ја презеде Рома по трет пат, со цел да ја спаси од тешката криза. Од долниот дел на табелата, ја истурка до битка за ЛШ со неверојатна серија од 19 меча без пораз која им ја прекина Аталанта. Но викендов го победија Милан и сега се петти. Тифозите на Рома го испратија со сите нишани на неговиот последен меч на Олимпико. Во последно коло Рома му гостува на Торино.

Напаѓачкото дуо од Палермо, распали викендов во хрватскиот шампионат. Александар Трајковски ја сруши Ријека, а Илија Несторовски постигна прекрасен погодок за Славен Копривница на дуелот против Горица кој заврши 4:0.

Македонскиот репрезентативец е човек на одлука на дербито во Хрватска. Влезе во игра и по само 4 минути игра ја реши Ријека.

Грчки АЕК имаше спремно сè за да јуриша кон пехарот во Европскиот Куп на ЕХФ, трето по ранг натпреварување во европскиот ракомет. Цела сезона играат пред преполна сала со френетични навивачи а така беше и вечерва во првиот натпревар од финалето на споменатиот турнир. Ама дојдоа младите ракометари предводени од селекторот Лазаров и направија дар-мар. Славеа историска победа а јунак на мечот е голманот Иван Галевски.

Ракометарите на Алкалоид одиграа феноменален натпревар во Грција и во Атина го совладаа АЕК 25-29 во првиот натпревар од финалето на Европскиот Куп на ЕХФ, па во Скопје за една недела ќе има можност да го освои првиот европски трофеј во својата клупска историја.

Челси го победи Јунајтед со 1-0 со голот на Кукуреља и ја продолжи трката за Лига на шампиони. Во судиското продолжение кога цела клупа на Челси и сите играчи креваа раце од судијата да свири крај поскоро, еден глупан влета во терен и го пролонгираше продолжението дополнително. Редари му влегоа ко рагбисти.

Расел Вестбрук во времето кога играше за Оклахома, еднаш ептен се заборави со топката. Еден му искоментирал дека за вакво патување ќе му треба пасош.

Јан Зомер на 36 години доживува втора младост. Погледнете со какви топки, односно топчиња му изгледа еден тренинг.

Името Карло Анчелоти има и ќе има посебна тежина на Сантијаго Бернабеу. Со него завршува една славна и многу тешко достижна ера. Тоа што него му успеа, не го можеше никој во 123 години Реал Мадрид. Заминува како апсолутен рекордер со 15 трофеи. Мигел Муњоз на времето освоил 14. Зидан има 11. Нема четврто тренерско име со двоцифрен број на трофеи.

Екипата од Њујорк во својата култна сала „Медисон Сквер Гарден“ го растури шампионот Бостон Селтикс на парчиња 119:81 во шестиот натпревар и со вкупни 4:2 оди во финале на Истокот каде веќе ги чека Индијана Пејсерс.

Легендарниот македонски напаѓач кој стигна до Бундеслигата и успеа да стекне статус на легенда во Нирнберг, има посебна почит спрема своите сонародници. Секоја чест за финишот мајсторе.

Што ли купувале Тотенхем и Манчестер Јунајтед кои ќе испаднеа за малку сезонава или Арсенал? Па трофеј со очи немаат видено овие три екипи. На Манчестер Сити му се исплати овој влог, тројна круна освоија, а најинтересен е податокот на Реал Мадрид. Со 5 милиони евра вложени изминативе 5 години за одбрана, освоиле 12 трофеи од кои две во ЛШ.

Англискиот фудбал има посебна драж. Вековна традиција негувана од колено на колено, пролеана со многу кригли пиво. Особено интересен е овој дел од сезоната кога се играат баражи за пласман во повисок ранг. Тоа за нив е фестивал. Синоќа играа Чарлтон и Викомб, реванш натпревар од полуфинале за пласман во втора лига Чемпионшип. Чарлтон победи 1-0 со гол во 81' минута и ќе игра во големото финале на Вембли против Лејтон Ориент. Победникот оди во втора лига.