Наполи и Милан одиграа фантастично дерби со 4 гола. Росонерите водеа 0-2 со два погодоци на ветеранот Оливие Жиру во 22’ и 31’ минута. Наполи се врати на 2-2 во вториот дел по евроголовите на Политано во 50’ и Распадори од слободен удар во 63-та минута. Елмас го одигра првиот дел кога беше заменет со стрелецот на голот Распадори.

Шампионот Денвер има 3 од 3 во новата сезона. Овој пат славеа над Оклахома, убедливо со 128:95. 28 поени, 14 скока и 5 асистенции за Јокиќ, како и еден нокаут.

Викендов светскиот фудбал го потресе веста за киднапирање на родителите на Луис Диаз, колумбискиот репрезентативец и член на Ливерпул. Последна вест од Јужна Америка е дека мајка му била спасена и евакуирана, а за татко му се претпоставува дека е уште во заложништво, во Венецуела.

11 члена македонска експедиција викендов го искачи Ајланд Пик на Хималаите, висок 6.189 метри. Дел од екипата се струмичанецот Благој Ѓузелов, велешанецот Тодорче Ѓоргиев, битолчанецот Горан Дамевски. Честитки до сите, посебно до Богољуб Петрoски - Боге од Скопје, познат на редакцијата.

Во Серија А изминатиов викенд се одиграа дерби дуелите Интер - Рома (1:0) и Наполи - Милан (2:2), но спектакл режираа фудбалерите на Каљари и Фрозиноне.

Убави голови паднаа викендов во Шпанија. За сега трите задолжителни кои ги детектиравме се прво оној на Белингем, а потоа и на Ракитиќ и Иско.

„Не знам што направив, само видов дека останаа уште 2-3 секунди и си реков дека мора да завршувам. Веројатно ова е најтешкиот шут кој сум го погодил во кариерата“, изјави Дончиќ, кој со овие поени практично го реши Бруклин во последната минута.

Јувентус ја победи Верона едвај со гол на резервистот Андреа Камбиасо во длабоко судиско продолжение и бјанконерите го запоседнаа врвот во Серија А после долго време. Капитенот на гостите Давиде Фараони имаше една смешна реакција при еден гол на Моизе Кеан кој му беше поништен.

Иако обложувалниците го гледаа како апсолутен фаворит и му даваа екстремно ниски коефиценти 1.10, 1.07 на победа, Тајсон Фјури не го издоминира Франсис Енгану кој дојде од УФЦ и првпат боксуваше во професионален бокс со боксерски правила.

Еден од најголемите проблеми во нашето детство беше кога топката ќе ти се заглави под кола.

Еден од најдобрите боксери на денешницата си ја разниша репутацијата откако синоќа после десет рунди доби сериозен ќотек од Франсис Енгану кој првпат влегува во боксерски ринг и доаѓа од УФЦ.

Реал Мадрид сезонава доби нов херој кој блеска од меч во меч со вкупно 13 гола на првите 13 меча, а има само 20 години. Со ваквите перформанси, Џуд Белингем се наметнува како конкуренција на Мбапе и Халанд на светската сцена. Ја сруши Барса на гости со два комада во вториот дел после водството на каталонците со голот на Гундоган.

Сезоната 2020/2021, 8:0 во првенство го победија Шалке и еве сега со идентичен резултат и против Дармштад. Девет пати низ историјата триумфирале со овој резултат.

„Кога беше во Скопје во 2000 година, Мика Хакинен рече дека Македонија еден убав ден ќе има трка. Замисли само Gazi Baba Grand Prix“, гласеше еден твит. Од посетата кај нас на двокарниот Ф1 шампион (1998 и 1999), кој му беше ривал на Шумахер, налетавме на една ваква фотографија.

По триумфот со Кјелце над Еурофарм Пелистер, Игор Карачиќ од Битола замина за Скопје за да се види со старите другари од Вардар. Провокацијата кон публиката поради која беше исклучен, ја повтори од маса.

Уште не почната сезоната во НБА, генијалецот од Сомбор почна да прави будалаштини. Прво трипл дабл против Лејкерски, а синоќа 22 поени, 12 скока и 7 асистенции за втор триумф, овој над Мемфис на гости од 108:104. Погледнете што чудесија од пас изведе на 30 секунди до крај и тоа за цепелин до Гордон. Американците побудалеа од воодушевување.

Во студиото на СБС каде работи како стручен коментатор, некогашниот десен бек на Манчестер Сити и англиската репрезентација Мика Ричардс стана од столче да ја имитира прославата на Килијан Мбапе ама брзо зажали.

Во сабота од 16:15 на „Олимпискиот Стадион“ попознат како Монтжуик поради тоа што се наоѓа на истоимениот рид во Барселона, ќе се одигра официјалното 255. дерби меѓу Барса и Реал Мадрид. „Кралевите“ имаат 102 победи, Барса 100 а 52 дуели завршиле нерешено.

Данил Медведев кој на турнирот во Виена го совлада Артур Фил, при водство од 5:1 во вториот сет, непотребно се изнервира поради загубен поен и удри една госпоѓа на трибини. Чудни критериуми гледаме во тенисот. Русинот не го суспендираа, исто како и Федерер пред години, а Ѓоковиќ за слична ваква ситуација на Австралија опен 2020 го исфрлија од турнир.

На 28. октомври во Саудиска Арабија Тајсон Фјури ќе боксува против некогашниот шампион од УФЦ, страшниот Франсис Нгану, а после само два месеци најверојатно ќе се бори и за апсолутната шампионска титула во тешка категорија против Александар Усик со кого е договорен двомеч.

Македонскиот репрезентативен голман Никола Митревски дефинитивно е еден од најсаканите меѓу навивачите на сите спортски секции на Порто. Нико, како што го викаат, синоќа беше најзаслужен што неговиот тим го победи ГОГ Гудме 32:31 во Лига на шампиони. Имаше дури 14 одбрани зад своето име и го избраа за играч на мечот.

Многу голови паднаа синоќа во ЛЕ и ЛК. Четири екипи постигнаа по 5 комада, а две екипи по 6. Ние решивме да го издвоиме оној на најдобриот стрелец во Лига Европа за минатата сезона, Виктор Бонифејс, кој го постигна на мечот Баер Л. - Карабах 5:1. Бомба.

Таков е фудбалот. Голманот на Лацио, Иван Проведел скокна во шеснаесетник и му ја заби на Атлетико Мадрид со глава за израмнување 1:1 во 94-та минута. Тренд Александер Арнолд пак како играч од среден одигра голмански против Тулуз и спаси чист гол.