Ај што куќава е тесна и долга ко вагон, ај што сè е мало, ај што е прескапа, ама биваше ли за речиси 2 милиони долари да добиеш ВЦ шоља во спална?

До следниот пат веројатно ќе научат и дека треба да се тргнат од патот кога поминува пожарна, без разлика колку мислат дека е нивна улицата и дека прават нешто важно.

Освен истрајноста, една од работите во која се прилично успешни холандските земјоделци во своите протести е во толпата снајперски прецизно да препознаат кој е инфилтриран полицаец во цивилка со кој знае каква агенда (од кодошење до ескалирање немири). За сега провокаторите се вадат во последна минута благодарејќи на полициски комбиња.

Макрон прозва неколку земји од источнoто крило на ЕУ (се препознаа Полска, Чешка и балтичките држави) како највоинствени елементи чие однесување носи ризик за проширување на конфликтот со Русија. „Брисел нема да дозволи тие да ја одредуваат политиката на Европската Унија кон Русија“, порачува францускиот претседател.

Фу Фајтерс на Вембли одржаа трибјут концерт за својот починат тапанар, Тејлор Хокинс, кој во март беше пронајден мртов во хотелска соба во Богота, Колумбија. Чест му оддадоа членови на Квин, Раш, AC/DC, беа таму и Дејв Шапел, Крис Рок... Сепак, убедливо најјак момент е кога зад бубњевите седна синот на Тејлор, 16 годишниот Шејн. Ежење.

„Постои ненормално гласно и постои гласно кое те носи во болница. Ние секогаш бевме на линија меѓу тие две нивоа“, вика бубњарот од легендарното трио на покоен Леми, банда која сакаше да свири на 120 децибели, баш онаму каде што звукот почнува да боли.

Едни лондончани на скутери, други со Бугати. Овие од Бугатито имаат секаква дополнителна опрема, овие со скутерите имаат чекан.

24 август 2022: Калифорнија најавува забрана за производство на автомобили на бензин.
30 август 2022: Калифорнија побара од луѓето во Калифорнија да избегнуваат полнење на електричните автомобили поради недостиг на струја.

Богданка е еден од рудниците за јаглен во Полска. Ова стандардно целосно незанимливо место од пред 5 дена е под целосна опсада на Полјаци кои со денови чекаат пред порта за да товарат јаглен за зимава. Пред некој ден на колоната и беше инсталиран и тоалет.

Најбраво за досетливоста на оваа компилација од кадри кои редовно ги користи Холивуд кога сака да снима нешто со или за Арапи. Феноменален колаж од западни стереотипи за цел еден свет. Секој момент е маестрално убоден. Посебен кудос за девојката која доловува камила која џвака.

Дечкото заслужува по кратка постапка да биден примен во келнерската Куќа на славните. Да ти е мерак да му нарачуваш само за да го гледаш како носи.

Освен Куба, Јапонија и Италија, сите други од  топ 20-те држави со најголем очекуван пад на население во светот се од Источна Европа (не затоа што Западна е нешто многу повеќе плодна, туку затоа што увезе бегалци). Вака, така и ние сме во Источна Европа.

Старо анкетарско правило е дека анкетите не лажат, само исходот од нив зависи од тоа во кој правец ќе ги тераш. И не ова нешто ново, еве проблематиката нека ви ја објаснат од „Yes Minister“ од 1980-та.

Вистинско освежување на идејата за тв дебата, кај нас утепана од фактот дека на домашните телевизии се верглаат исти шпилови гости. Овде тема е хомосексуалноста, присутна е една пристојна ЛГБТ активистка контра еден живчан кој има донесено пола пиљара за да ги илустрира своите тези. Првото прашање на водителот е: Зошто си геј?

Во некоја од битките украински единици стигаат до руски панцир (обложена метална плоча) и новите руски шлемови. Доколку е автентично видеото, панцирот ги штити Русите од промаја и речиси ништо повеќе од тоа, а шлемот веројатно само ги поти.

Ај сега е стар човек па може да го вадат дека му се испуштило, ама комплицијава е долгогодишна и излегува дека речиси и нема период од кариерата на Бајден кога не му се испуштило.

Од средината на јуни во поплавите во Пакистан загинаа над 1.000 луѓе (од кои над 110 викендов) а водата однесе неброен добиток, куќи, патишта, па и цели села.

Човекот е толку трол и не може да се воздржи што е спремен да ризикува почеток на нуклеарна војна само за да каже фора што му дошла на памет.

Анкета на наједноставни прашања на кои млади, ама доволно возрасни луѓе, го покажуваат сиот раскош на своето незнаење. Офкорс дека игнорантни будали има насекаде. Aма некои живеат во љута сиромаштија и секаква оскудица, а други се шетаат по извиканиот Менхетен, празни како шасии. Најјако е што дечкото им ги потврдува одговорите. Пошто е доцна тоа да се оправа.

Атомиумот е препознатлив симбол на Белгија, направен во 1958 година за тогашниот Експо а денес остава впечаток за визионерската верба во прогресот и науката на оваа богата европска земја. Она што денес не се гледа е дека во тоа време, зад Атомиумот имало заграден простор во кој посетителите можеле да им фрлаат кикирики на црни деца зад оградата.

Пет веб алатки кои можеби не ги знаете а можат многу да ви помогнат. Некои се толку корисни што ќе имате чувство дека правите нешто нелегално, бидејќи сè што е корисно, во последно време станува нелегално (или скапо). А не правите ништо нелегално. Ваљда.

Кратката верзија е - пари. Долгата верзија од Мет Дејмон е сметководствено расчленување на главните расходи и приходи на секој филм, и како исчезнувањето на ДВД-то ја осакати ставката приходи.

Се работи за едиствената раса на кучиња која е во директно сродство со најуникатата раса на мачки - мачки вегани. Главната карактеристика што ги обединува двете раси е дека не постојат. Нешто што за кратко ќе го открие заблудената сопственичка на ова прегладнето куче.

Наваро Николас Сторми, маринец- специјалец, на должност офицер за безбедност во американската  амбасада во Москва, задолжен за обезбедување на периметарот на амбасадата, во пет сабајле се враќа направен гипс. Нозете ал-денте, жироскопот пореметен а Русиве го снимиле од секоја можна камера што постои на улица.