Уште една од оние брилијантни идеи, што доаѓаат секогаш кога си со два-тројца другари во викендица. Овие имаат замрзнат базен и камера. Греота ќе беше ова да не се сними.

За да не пимплаат премногу, за да не бегаат кога ќе добијат топка, за да не изгорат од желба да ја победат Македонија, дознаваме дека српскиот селектор Синиша Михајловиќ решил во иднина да воведе драстични промени во тренингот на своите фудбалските репрезентативци.

Песимистот ќе рече: пивото е мало. Оптимистот: пивото е големо. Реалистот: А да го бапнеме и да не ни чуе? Имајте го ова на ум на следната пиволенд/фест приредба каде што служат пива во пластични чаши.

Bodyform, британски бренд за женски хигиенски производи, е денешниот шампион во спинување. На ироничен пост на нивниот Фејсбук сајт тие одговорија со одлично видео кое стана вирално.

Вашата навика за користење на тастатурата се менува во зависност од тоа во кој стадиум од животот сте и што во моментот преовладува во вашиот дневен распоред.

Или девојката има нешто озбилно против бракот во кој влегува или дечково не е свесен со каков намќор се врзува. Им посакуваме да бидат заедно во добро или лошо, сè додека насмевката не ги раздвои

Човекот коj го одушеви човештвото со скок од 39 километри (освен човек од нашата редакција кој тврди дека попрво треба да се слави оделото и технологијата отколку неговиот потег кој е истоветен како да бутнеш вреќа компири), за историскиот скок има вежбано уште од мали нозе, кога се пентарел по коли, огради и каде ќе стигне па сè до посериозни поготовки, како кањони, небодери, рацете на Исус во Рио Де Женеиро... Најблиску до нас, во јама на Велебит, длабока 190 метри.

Гуските се познати по тоа што се доследно моногамни животни и знаат доживотно да се врзат за еден партнер. Проблем е кога партнерот доаѓа на скутер и кога намерно чита весник додека оваа не заспие. Одлично раскажана приказна!

Добро е што уметникот Роберт Рикхоф не е вклучен во некое наше урбано планирање инаку допрва ќе се чудевме. Серија негови фотографии на тема: "Кај што не им е место".

Австриецот Феликс Баумгартнер не скокаше само за себе и за свој ќеиф. Неговиот подвиг е остварување на еден повеќедецениски завет на Ѓуро, кој, под маска на босанското гостопримство, своите деца упорно ги спремаше еден ден да станат Феликси. Да се потсетиме на овие самопрегорни тренинзи.

Намерно. Штом нивниот креатор Мат Гронинг ги добил првите нацрти, знаел дека тоа е тоа.

Читател на Гардијан направи една супер селекција на песни со одлични бас линии. Од Вили Диксон до Том Браун. Греота да не ја извртите барем еднаш оваа плеј листа.

Кадата беше еден од последните азили во модерниот свет каде човек може да се осами и одмори и од себе и од другите. Сè додека на некој од оние вечно незадоволните од својата физичка кондиција не му текнало внатре да монтира велосипед. Нема веќе квасење и играње со пајчиња. Има да се седи и да се вергла.

5 причини зошто дечкото што ви го поправа компјутерот ве мрази. Сите до една се точни, единствено тоа делот со сендвичот можете да го замените со Кока-кола и пица, ова е златна комбинација за да се разберете со секој компјутерџија. (насловот е на латиница)

Што е толку тешко секој возач да го проба ова некогаш, што?

Знаете ли дека крал на Грција се станува и со 0.00002 проценти гласови?

Гледањето порно никогаш порано не ви дало вакво чувство на добродетелство. Потребно е само да зјапате доволно упорно во видео клипови со цицки и светот да стане едно попријатно место за живеење. Имено, порно сајтот PornHub ја спроведува следната хуманитарна иницијатива:

Каков лик е овој Том Џонс, па тоа е чудесија. Баталете го љубењето девојки (еј, сестри!) од прв ред. Само чекајте кога неговото тело ќе почне да го вади ѓаволот од себе.

Одлично ги прават овие аудио монтажи, кога на ликовите им се насадуваат тотално погрешни реплики а делува најрелно во свет. Ѕирнете ја дебатата Обама - Ромни. Плус, Hunger Games.

Јапонски професор по психологија изумил брз оптички тест за мерење стрес. На опуштени и спокојни луѓе, круговите им се совршено мирни. Доколку се вртат, тоа е сигнал дека сте уморни и напнати. Нам не само што ни се вртат, туку и чат- пат ни зборуваат.

После цели 7 години, Стоунси извадија нов сингл. Кога тие ќе отворат песна со риф на Кит Ричардс, знаеш дека понатаму ама баш ништо не може да тргне на лошо.

На хаштагот FirstWorldProblems што самокритично, што за сеир на друг, се објавуваат глупи проблеми што доаѓаат од размазеноста на западниот свет (од типот: незнам кое е правилното далечинско или како можеше да ми стави кечап, кога и реков да не става). Еве како тоа изгледа од другата страна, од луѓето кои ги немаат овие проблеми.