Сред војна, сред бомбардирање, сред илјадници празни продавници и станови, нормално е да почнат да никнуваат пљачкосувачи и слични мали криминалци, за кои овие моменти на страдање се остварување на сите бизнис планови и соништа. Тоа им е сосема јасно и на Украинците кои почнаа да ги ловат истиве овие и да ги соблекуваат или врзуваат за бандера. Или двете.

Ако Скопје на Дино Мерлин можеше да му фукне 100К евра, на овој треба да му се дадат колку сака, да дојде овде и да нè ц'цка. Го познаваат како Емемем, иако е анонимен бидејќи работи само ноќе, главно во Лион. Остава преубави мозаици во асфалтни пукнатини, дупки на тротари, процепи на фасади, брусени ил небрусени шахти... Уметност на зацелување улици. Многу би нè личело, многу.

Бидејќи секој сака да слушне како неговата тазе завојувана држава ја споредуваат со Авганистан, пораката на утеха што несудената претседателка на САД ја има за укранскиот народ почнува со: „Абе Русите пробаа да извршат инвазија на Авганистан... па не им успеа“, и не продолжува ништо подобро.

Борис Џонсон е во Полска, пред неколку дена границата меѓу Украина и Полска ја минува и новинарката Дариа Калениук чие семејство и колеги (во најголемиот дел) се уште се во Киев, Лвив и остатокот од Украина.

Од анти-комунист во 1980-те, па преку ко-автор на политичката програма на новата Комунистичката партија на Русија, Александер Дугин, денес го нарекуваат „Распутинот на Путин“. Еден од највлијателните филозофи во денешната руска политика, со директен контакт со Кремљ и највисоките функционери на Обединета Русија на Путин, е и еден од најголемите поборници за војна со Украина.

Елате да видите како за две минути можете да ја разберете светската должничка криза. Кој колку и кому должи и како тоа секој на секого му должи? На почетокот сте концентрирани и следите со разбирање, после работите почнуваат малку да се комплицираат и го губите есапот, ама, крајот е најјак.

Корисници на Тик-ток, со иста енергија како за рецепт за омлет, почнаа да објавуваат видеа со упатства за стартување и возење на напуштени борни коли и слична воена механизација.

Им гостуваат Кацар и Вена, видеозаписот е на Иван Солунчев, продуцент, микс и гитара - Драги Иванов. Чиста околина маваат воспитни заушки!

Што и да кажуваше Зеленски беше премногу тешко за германската преведувачка што во живо ја покриваше прес-конференцијаа за Велт.

Западот на значителен начин ќе профитира од конфликтот, но тоа не е оправдание за постапките на Русија... Не постои морална височина на која можат да застанат главните глобални геополитички играчи бидејќи сите тие имаат такви утврдени корпоративни врски и такви очигледни територијални цели што не можеме да им веруваме. Ова и повеќе во експозето на Расел Бренд.

Поранешниот украински претседател објави дека останува во Киев со своите сограѓани за да го брани главниот град од руската инвазија. Тој е заедно со својата заштита и останати членови на територијалната одбрана на Киев. Некои од нив не влеваат баш многу надеж.

Американската конгресменка од Хаваи им порача на Путин, Зеленски и Бајден дека е време да се тргне гео-политиката настрана и на Украина да ѝ се даде мир така што ќе биде договорено таа да биде воено неутрална земја. Ни со НАТО, ни со Русите.

Полска великодушно ги отвори своите граници за бегалци. Ако се бели и ако се од Украина, макар со себе ги носеле и своите домашни миленичиња. Бегалците со поинаква боја на коже се под друг режим.

Злобници велат дека советник за безбедност му го покажал видеово на Путин па овој рекол: "Ок, упаѓајте". Али стварно, замислете да сте Украинец, руски тенкови баботат по вашата земја и некој добронамерник од Запад ви го праќа ова видео како мотив да издржите. Диверзитетот само што не стигнал за да ве спаси.

Алал вера она западнине служби како перфектно профилираат политичари сојузници во трети земји. Кај нас знаете кого го црпнаа да ја одработи задачата, во оваа прилика да ги запознаеме талентите на Зеленски, човек кој ја води Украина нападната од Русија.

Уште во 2015 година, еден од највлијателните американски политолози ја опиша иднината на погубната западна политика со Украина. „Ги убедуваме дека ќе бидат дел од нас, ги охрабруваме да играат тврдо со Русија, и тие тоа го прават. Ако продолжат по тој пат, земјата ќе им биде здробена“, рече Џон Мершајмер пред 7 години.

Во обид да го спречат падот на престолнината на Украина, безбедносните власти утрово ги повикаа граѓаните на Киев со Молотови коктели да им се спротивстават на руските сили. Веќе на пладне властите почнаа да делат воено оружје на секој што сака да земе и да се бори за одбрана на Киев. Киевјани го прифатија повикот.

Женскиот панел од долговечното ток-шоу „The View“ залелека над ситуацијата во Украина. Сани (Хостин) проговори за бегалскиот бран кој може да има опфати пет милиони луѓе, но таа бегалска мака брутално ја конкретизираше колешката Џој Бехар. На своја кожа!

Еден од стотиците клипови што се појавија утрово од инвазијата на Украина. Овој би требало да е во близина на Харков, каде руските војници се или влезени или само што не влегле, а во него Украинка со кола застаната на некои си сто метри од куп руски тенкови кои пред нејзини очи се гранатирани од украинската армија. Може до утрово да не знаела за кого навива, сега сè и јасно „стреляте, люди, стреляте“.

Од седницата на Советот за безбедност на О.Н. околу Русија и Украина, главно нешто што се запамти е говорот на кенискиот дипломат Мартин Кимани, кој почна со: „Вие ни ги нацртавте границите и нè поделивте без никаков обѕир за античките народи што живеат таму“, а заврши со кениската лекција за границите и поделените народи.

Тазе состанок на рускиот совет за национална безбедност. Путин го прозива Сергеј Нарушкин, шефот на руското разузнавање, да се произнесе за ситуацијата со проблематичните делови на Украина и новонастанатата ситуација. Нарушкин доживува класичен „што сум дигал рука у вторник“ момент.

Во некоја поетаблирана средина како Гранд и слични кога не те бива ќе ти го галат егото со детали од типот гласот горе, па долу, па оди повежбај, па имаш / немаш трилер и сè што треба само за да не те обескуражат во кариерата што сакаш да ја тераш. Кај баба дома нема вакво тинтрање.

Се вика Филип Краутер и цело ова време е сместен во Киев од каде апдејтува околку случувањата на тема Украина и Русија. И тоа не е нешто посебно и веројатно го прават уште десетици новинари. Разликата е што Краутер тоа го прави за 6 различни медиуми, од 6 различни држави на 6 различни јазици.

Се работи за прастара технологија за купување без готовина, која одлично функционира со векови, се до моментот кога ќе те фатат и од тогаш почнува сè да се комплицира и да имаш многу за враќање.