Offside › Набрзинка

Клоп: Ако не ми го оставите семејството на мира, си одам

24 July 2026

Две години откако го напушти Ливерпул, Јирген Клоп се враќа во фудбалот како селектор на германската репрезентација, со која потпиша договор до 2030 година. Ја наследува платата на неговиот претходник Јулијан Нагелсман од 7 милиони евра, кој поднесе оставка после шокантната елиминација од Парагвај.
„Мојата мисија е да ја направам репрезентацијата подобар тим и се надевам дека фонтот на играчи од кои можам да бирам ќе биде поширок. Сепак, ова не е нешто што го правам против вас, туку за вас. Ова е чест.“
„Ќе бидам многу добро платен, а ако Јирген Клоп биде очаен, ќе ме нема. Ако Германската фудбалска федерација каже дека треба да ја прекинеме соработката, тогаш тоа е крајот. Истото важи и ако се однесувате лошо и не го оставате моето семејство на мира. Јас едноставно ќе се свртам и ќе си заминам. Знам дека има земји каде што тренерите се третираат уште полошо. Ја сакам оваа работа, но исто така сум подготвен да се откажам доколку е потребно“.
„Јирген Клоп нема да има никаква „кариера“ по националниот тим. Ова е врвот, највисоката точка во мојата тренерска кариера. Ќе дадам сè што имам, а со мене го имам најдобриот можен тренерски штаб“, рече Клоп на првата прес конференција како селектор.

извор

Сејдини излезе од Шутка со гаранција од 1,15 милиони евра

24 July 2026

Поранешниот претседател на Фудбалската федерација на Македонија, Мухамед Сејдини е пуштен од притвор и ќе се брани од слобода, информира неговиот адвокат Шкодран Алили во објава на социјалните мрежи.
Сејдини помина три месеци во Истражниот затвор „Скопје“, откако беше уапсен во полициска акција во април 2026 година под сомневање за тешка финансиска проневера.
Се сомничи за проневера од 700 000 евра доделени од УЕФА за развој на фудбалот во Македонија, како и за злоупотреба на функцијата. Средствата биле наменети за извршување градежни работи на стадионот во Охрид.

извор

Фризурата на Кукуреља има емотивна позадина

24 July 2026

Марк Кукуреља има долга кадрава коса, нетипична за фудблер. Но, тој не ја чува поради мода, туку тоа е гест на љубов кон својот син.
Четиригодишниот Матео има аутизам и тешко препознава луѓе, но затоа шпанскиот бек нашол начин како полесно да го препознава.
Фризурата на Кукуреља стана дел од неговиот идентитет и беше препознатлив по неа кога го освои и ЕП 2024.
Со партнерната Клаудија имаат три деца. Нивниот свет почнал да се менува кога забележале дека најстариот син, на 13 месеци, не се развивал како неговите врсници.

извор