- Компанијата на Илон Маск за ракетни технологии и сателитски комуникации планира да собере 75 милијарди долари од иницијалната јавна понуда на делници (IPO).
- Таргетираната вредност по акција е 135 долари а СпејсИкс ќе понуди 555,6 милиони делници во момент кога компанијата е проценета на 1,75 билиони долари.
- Компанијата планира дури 30% од понудата да биде достапно за поединечни инвеститори. Тоа е невообичаено голема малопродајна транша наменета за искористување на култниот статус на Илон Маск и зголемување на неговото влијание во компанијата.
- Папата Лав XIV ја назначи Марија Монсерат Алварадо, претседателка на американскиот католички медиум EWTN News, на челото на моќниот оддел за комуникации на Ватикан.
- Како префект на дикастерија на Светата столица, Алварадо ќе ги надгледува порталот, радио-станицата, весникот L’Osservatore Romano, прес-службата, издавачката куќа и филмската библиотека на Ватикан.
- Американката родена во Мексико Сити на 1 ноември ќе ја преземе улогата од Паоло Руфини, кој се пензионира.
- Ова се толкува како знак дека Лав, првиот папа роден во САД, ја продолжува мисијата на својот претходник Франциск, кој назначи неколку жени лаици во високите ешалони на Ватикан и го критикуваше „шовинистичкиот менталитет“ на католичката црква.
- Првичните резултати од анализите на месните производи се уште позагрижувачки и кај нив отстапувањата од пропишаниот квалитет се многу поголеми во споредба со млечните производи, вели Светлана Колариќ од Агенцијата за храна и ветеринарство.
- Биле земени 46 мостри од месни производи (сувомеснати производи) а кога анализите ќе бидат конечни, Агенцијата ветува дека имињата на сите производители и оператори кои го прекршиле законот ќе бидат јавно објавени.
- „Потрошувачот мора да биде информиран кога некој му ја нарушува довербата со лажни декларации,“ вели Колариќ.
- Претходно, македонската јавност беше вознемирена од анализите на млекото и млечните производи во кои наспроти декларираната содржина, биле најдени растителни масти.
- Не треба тоа да чуди ако се знае дека последниве години, во Македонија рапидно расте увозот на палмино масло и млеко во прав. Види во: Пиеме палмино млеко во прав.
