- На две кола пред крајот, со Барнли и Вулверхемптон одамна испаднати во втора лига, се очекува да им се придружи еден од лондонските големци, Вест Хем или Тотенхем.
- Спарс кои се на 17-то место, ја играат најмизерната сезона во последните неколку децении. Синоќа одиграа нерешено 1-1 против спасениот Лидс Јунајтед и не го искористија во целост поразот на „чеканите“ од Арсенал.
- Тотенхем има 2 бода повеќе од Вест Хем кој е 18-ти и е под цртата која значи испаѓање во Чемпионшип. Екипата предводена од новиот тренер, Италијанецот Роберто Де Ѕерби врза конечно 3 позитивни резултати (2 победи и 1 нерешена) но и натаму уште од 6-ти декември нема победа на домашен терен.
- „Ќе биде многу тешко (да се опстане) - знаеме дека веќе не е само во наши раце. Ќе се бориме за тоа и ќе продолжиме да се бориме“, рекол тренерот на Вест Хем Нуњо Еспирито Санто.
- Тотенхем до крај го чека градско дерби со Челси на гости (19-ти мај) и домашен дуел со Евертон (24-ти мај). Вест Хем оди на Сент Џејмсис Парк во Њукасл (17-ти мај) и го пречекува Лидс Јунајтед (24-ти мај).
- Тотенхем има само една победа на „Стемфорд Бриџ“ за цели 36 години, а ја забележа во 2018-та.
- Реал Мадрид минува уште една сушна година па по годините доминација, пак останува со куси ракави. Не освоија пехар ниту во домашна Ла Лига каде Барселона ја одбрани титулата и тоа со победа баш против „кралскиот клуб“, ниту во Лига на шампиони, ниту во домашниот Кралски куп каде испаднаа од третолигаш.
- Слабата сезона на толку вложувања придонесе за тренерска смена па наместо Чаби Алонсо дојде в.д. тренерот Алваро Арбелоа кој немаше ништо позначителен успех.
- Флорентино Перез и управата на Реал Мадрид посегнуваат сега за едно старо, добро познато име, искусниот Жозе Мурињо кој ги тренираше Бенфика, Порто, Челси, Интер, Манчестер Јунајтед, Тотенхем, Рома и Реал Мадрид од 2010 до 2013. Ова ќе биде практично враќање на клупата на Португалецот во Реал.
- Тој во меѓувреме запрашан од новинарите во Португалија, се правел како ништо да не знае и рекол дека чека сезоната официјално да заврши, да го доиграат последниот натпревар од првенството со Бенфика па ќе одлучува.
- „Немам никаков проблем со Мурињо. Мислам дека е голем професионалец. Само што не го сакам во Реал Мадрид. Верувам дека на други тренери подобри би им легнало да го водат клубот на мојот живот. Лично мислење е ова. Ништо повеќе. Кога Реал Мадрид две сезони е без титула, тогаш е нешто за загрижување. Ел Класико беше тешко уште пред да почне. Мора веќе да гледаме кон следната сезона и да заборавиме на оваа“, порачал легендарниот голман на Реал Мадрид Икер Касиљас кој освои 19 шампионски пехари за 16- годишен престој во Реал.
- Доигрувањето во Евролигата стигнува до вжештена кулминација. Вечерва од 21 часот Валенсија ќе го дочека грчки Панатинаикос во петтиот натпревар од серијата, а победникот оди на финалниот Ф4 на Евролига.
- Панатинаикос ги доби првите два дуели во Валенсија на гости и поведе со убедливи 0-2 во серија која се игра до 3 победи. Се беше спремно во „ОАКА“ Арената, домот на зелено-белите каде ќе се игра и Фајнал Форот, за нов триумф и „метла“ од 3-0 за „лилјаците“.
- Но предводени од најдобриот тренер на сезоната, возрасниот Педро Мартинез, Валенсија направи голем подвиг, израмни на 2-2 со две победи во пеколната сала во Атина и ја врати серијата во својата сала „Роѓ Арена“.
- „Оној кој ќе изгуби си оди дома, а јас живеам за вакви натпревари. Цела кариера се спремав за вакви моменти и нема сомнеж дека ќе бидеме подготвени“, рекол лидерот на Панатинаикос Кендрик Нан.
