Вести › Набрзинка

Замирисува ли димот на политика?

12 September 2025

Премиерот Христијан Мицкоски изрази сомнеж дека повторното разгорување на пожарот во депонијата „Дрисла“ е намерно предизвикано, посочувајќи ја одговорноста кај кадрите на ДУИ во јавните претпријатија.
„Чудно е, чудно е како во одредени јавни претпријатија, каде што свои кадри има Демократската унија за интеграција, се случуваат вакви работи. Чудно е, и тоа ќе го истражиме и ќе обезбедиме соодветни докази, како може пожар кој беше речиси ставен под контрола, наеднаш да се распламти“, изјави Мицкоски.
Во депонијата Дрисла влегува и полицијата, пренесува Дојче Веле.
Во поголемиот дел од населбите во Општините Аеродром и Гази Баба беа забележани зголемени вредности на ПМ 10 и ПМ 2,5 честичките.

извор

Приведениот Тајлер Робинсон дома признал дека пукал во Кирк

12 September 2025

Тајлер Робинсон, 22-годишниот студент од Јута е приведен како осомничен за убиството на популарниот и влијателен говорник Чарли Кирк, по атентатот во вторникот што ја згрози јавноста.
„Го имаме. Вечерта на 11 септември член на семејството на Тајлер Робинсон му пристапил на семеен пријател, кој го известил окружниот шериф дека Робинсон признал или навестил дека го извршил чинот. Истражителите сослушаа член на семејството на Робинсон, кој кажал дека тој политички се радикализирал во изминатите години. На 10 септември во разговор со близок роднина тој спомнал дека Чарли Кирк доаѓа во кампусот на Универзитетот Јута Вели. Разговарале зошто не му се допаѓа“, изјави гувернерот на Јута, Спенсер Кокс.
Истражителите потврдиле дека Робинсон при апсењето имал облека што одговарала на онаа од снимките на осомничениот убиец. И цимер на Тајлер Робинсон од студентскиот дом при сослушување пред истражителите им покажал пораки што ги потврдуваат обвинувањата.
На пронајдените куршуми што не биле испукани биле испишани пораките „Фашист, фаќај!“, „О, бела чао, бела чао, бела чао, чао, чао“, „Ако го читаш ова, тогаш си геј“, а на чаурата од испуканиот куршум пишувало „OWO. Што е ова?“.
Истражните власти веруваат дека Робинсон дејствувал самостојно. „Постои едно лице одговорно за она што се случи овде, и тоа лице сега е во притвор и наскоро ќе биде обвинето и ќе биде повикано на одговорност“, изјави гувернерот Кокс.

извор

Трамп: Фатен е убиецот на Кирк!

12 September 2025

Претседателот Доналд Трамп изјави дека е фатен убиецот на конзервативниот говорник и активист Чарли Кирк.
Асошиетед прес го идентификуваше осомничениот убиец како Тајлер Робинсон, 22-годишен маж од Јута.
„Со голема доза на сигурност, го имаме. Се надевам дека ќе добие смртна казна. Го пријавил некој што му е многу близок“, изјави Трамп за Фокс њуз. Тој додаде дека од фотографиите на осомничениот убиец што ги објави полицијата го препознал свештеник и отишол кај неговиот татко, кој го пријавил синот кај шерифот.
Младиот маж што го истрела смртоносниот куршум во Кирк беше снимен како бега од местото на атентатот - кампусот на Универзитетот Јута Вели.
ФБИ ја пронашло пушката од која било пукано, куршуми и отпечатоци од убиецот. Мотивот не е познат. ФБИ добила повеќе од 7.000 дојави откако распиша награда од 100.000 долари за информација за убиецот.

извор