- Милан Лазаревски ќе паузира три месеци по операцијата на рамото извршена во Загреб од страна на д-р Никола Чичак, соопштуваат од клубот.
- Ова претставува проблем за црвено-црните, пред стартот на новата сезона, со оглед на тоа што Лазаревски е столб и во одбраната и во нападот на тимот.
- Тој ќе ги пропушти речиси сите натпревари од групната фаза на Европската лига, каде Вардар се надева на висок пласман.
- Вардарци новата сезона ќе ја отворат со дуел во Суперкупот против Еурофарм Пелистер, против кого синоќа загубија во Охрид на меѓународниот турнир „Крсте Андоновски“.
- Поранешниот капитен на Македонија и довчерашен прв човек на КФМ е назначен за мбасадор на Интерконтиненталниот Куп на ФИБА, што ќе се одржи од 18 и 21 септември во Сингапур.
- Антиќ учествуваше на ждрепката што се одржа утринава и ќе биде заштитно лице на турнирот, кој ги собира клупските шампиони на шест континенти.
- На престојното издание екипите ќе бидат поделени во две групи. Во А групата се прваците на Африка (Ал Ахли), Европа (Иникаха) и Азија (Утсуномија), а во групата Б се: шампиониот на Јужна Америка (Фламенго), Австралија (Илавара Хоукс) и Северна Америка (селекција од развојната Г лига).
- Македонскиот фудбалер Елиф Елмас цело лето е во потрага по нов клуб откако Торино реши дека нема да му го откупи скапиот договор од РБ Лајпциг.
- Шпекулации има повеќе, од преселба во Турција и Англија, но најверојатно нашиот репрезентативец ќе се врати во добро позната средина.
- Како што објавија неколку трансфер-инсајдери, Елмас е пред враќање во редовите на Наполи. Наводно, италијанскиот шампион е подготвен да му плати на Лајпциг 1,5 милиони евра за едногодишна позајмица, а ќе биде вклучена и клаузула за откуп следното лето која би изнесувала 11.5 милиони евра. Но, истата не е задолжителна. Исто така Наполи ќе ја покрива целтата плата на Елмас, која што ја добива од германскиот тим.
