Вести › Набрзинка

Аплауз за првиот млекомат во Македонија

15 August 2025

За прв пат во Македонија, манастирот Богородица Пречиста, познат по својата долга и развиена сточарска дејност, се погрижи жителите на Кичево и околината да имаат можност да набавуваат свежо, органско кравјо млеко, директно од манастирската фарма.
Mлекото е достапно преку современ млекомат, кој овозможува да го добиете производот секогаш свеж, со зачувани природни хранливи својства, кои се особено важни за човековото здравје. На овој начин, секој може брзо и лесно да ужива во вкусот на вистинското, непастеризирано млеко, без додатоци и конзерванси.
Млекоматот се наоѓа во центарот на градот, односно во непосредна близина на стариот објект на Општина Кичево или сегашно седиште на ЈП Комуналец и работи постојано.

15 August 2025

Откако ги прекина односите со едната страна за да ѝ се приближи на другата, лидерот на ДПА, Мендух Тачи, потврдува дека со Владата не е постигнат никаков договор за соработка и дека немаат ниту една заедничка точка.
„Иако покажавме желба за конструктивност, дојдовме до заклучок дека немаме ништо заедничко со политиката на оваа влада и нема да имаме“, вели Мендух Тачи, по неколкумесечни преговори.
Тачи повеќе нема соработка ниту со ДУИ и Европскиот фронт. „Со жалење можам да констатирам дека и разговорите или преговорите со г. Ахмети пропаднаа“.
На последните локални избори, ДПА победи само во Студеничани со Азем Садики. Четири години подоцна, Садики најави дека повторно ќе се кандидира, но како независен кандидат.

15 August 2025

Шефот на руската дипломатија Сергеј Лавров без да проговори збор испрати порака кои се очекувањата на Москва од самитот со Доналд Трамп.
Лавров пристигна во Алјаска со џемпер на кој пишува СССР.

Поранешните советски републики, вклучувајќи ги и трите што денес се членки на НАТО, тоа го толкуваат како отворена провокација и доказ дека Кремљ не го напуштил „советскиот империјалистички менталитет“.
„Преговарачот што носи џемпер со СССР отворено порачува: Дајте ни само половина од Украина и ветуваме дека ќе запреме“, изјави поранешниот литвански министер Габриелиус Ландсбергис.
Руски блогери веднаш го идентификуваа џемперот дека е од брендот „Селсовет“ од Челјабинск и дека чини 10.990 рубли (118 евра).