- „Крафт Хајнц“ вети дека до 2027 година ќе ги отстрани сите вештачки бои од храната што ја продава во САД.
- Компанијата во 2016 година ги отстрани вештачките бои од своите популарни „макарони и сирење“ а сега ја проширува политиката на цела палета.
- Одлуката на Крафт Хајнц следува по директниот притисок од првиот човек на департментот за здравство и човечки услуги, Роберт Ф. Кенеди Џуниор, кој од раководителите на големите прехранбени компании побарал да ги отстранат вештачките бои додека му трае мандатот.
- Неколку држави, вклучувајќи ги Калифорнија, Вирџинија и Западна Вирџинија, веќе ги забранија вештачките бои, а повеќе од половина од американските држави размислуваат за слични мерки.
- По завршувањето на тридневниот собир на светската политичка и бизнис-елита Билдерберг во Стокхолм, претседателот на Словачка, Петар Пелегрини, неочекувано ја откажа посетата на Македонија.
- На собирот на оваа „светска влада во сенка“, грчкиот премиер бил извонредно активен; во свое име и во име на грчката влада „жестоко ги бранел бугарските позиции во врска со извештајот на Вајц“, пишува Нова Македонија.
- Нивни извори брифирале дека „приоритет на Мицотакис му бил и да излобира заштита на интересите на Бугарија и Бугарите против Македонија“, затоа што „бранејќи ги Бугарите и бугарските интереси против Македонија, грчкиот премиер ги бранел и грчките интереси и посебно Преспанскиот договор, со тоа што го негирал милениумски егзистирачкиот засебен македонски ентитетски супстрат.
- На грчко-бугарската оска која решила да го минира извештајот на Вајц, ѝ се има приклучено и Романија.
- По тој 17 јуни 2018 година, денот на потпишувањето на Преспанскиот договор, со менувањето на историското име на државата, на Македонија требаше да ѝ се отворат сите порти, врати и капиџици на европската иднина. Според тие ветувања за иднината, што денеска се веќе седумгодишно минато, Македонија со географска одредница во името, денес веќе требаше да биде барем две години членка на Европската Унија.
- Според професорот Љубомир Цуцуловски, во правна и легислативна смисла е ништожен, бидејќи не исполнува повеќе услови за да ја стекне и да ја има својата легитимност и законитост.
- „Дури и со само еден аргумент за неговата нелегалност, Договорот од Нивици може да биде раскинат. Меѓутоа, седум години подоцна, сите политички фактори во Македонија, се однесуваат спрема овој договор како да е легален, односно – велат: факт е дека постои. Но, да направиме една парабола: кога ќе се случи некој криминален настан, кражба или убиство – факт, реалност, стварност е дека се случил настанот. Но тоа не значи дека стореното е легално!“, вели Цуцуловски.
- Професорката Ванковска и денес е на позицијата дека „го трампавме уставниот суверенитет, идентитетот, па дури и АСНОМ за влез во воена алијанса“. За негово евентуално раскинување смета дека решението е во „политичка волја, интегритет и знаење на меѓународното право (Виенската конвенција)“.
