- Франција ги обвинува Европската комисија и Германија дека преку новите еколошки регулативи ја потиснуваат од профитабилниот пазар на високонапонска електрична расклопна опрема.
- Стравот е дека еко-нормите се дизајнирани за германски Сименс да стане доминантен на овој пазар вреден милијарда евра.
- Оваа опрема сочинува околу половина од цената на типична трафостаница, но е поврзана со големи количини на SF6 – стакленички гас кој е 23.500 пати посилен од јаглерод диоксидот.
- Само една компанија на светот може да произведе опрема во согласно со ЕУ правилата - германски Сименс. Се разбира, таа е далеку поскапа од стандардната.
- „Крафт Хајнц“ вети дека до 2027 година ќе ги отстрани сите вештачки бои од храната што ја продава во САД.
- Компанијата во 2016 година ги отстрани вештачките бои од своите популарни „макарони и сирење“ а сега ја проширува политиката на цела палета.
- Одлуката на Крафт Хајнц следува по директниот притисок од првиот човек на департментот за здравство и човечки услуги, Роберт Ф. Кенеди Џуниор, кој од раководителите на големите прехранбени компании побарал да ги отстранат вештачките бои додека му трае мандатот.
- Неколку држави, вклучувајќи ги Калифорнија, Вирџинија и Западна Вирџинија, веќе ги забранија вештачките бои, а повеќе од половина од американските држави размислуваат за слични мерки.
- По завршувањето на тридневниот собир на светската политичка и бизнис-елита Билдерберг во Стокхолм, претседателот на Словачка, Петар Пелегрини, неочекувано ја откажа посетата на Македонија.
- На собирот на оваа „светска влада во сенка“, грчкиот премиер бил извонредно активен; во свое име и во име на грчката влада „жестоко ги бранел бугарските позиции во врска со извештајот на Вајц“, пишува Нова Македонија.
- Нивни извори брифирале дека „приоритет на Мицотакис му бил и да излобира заштита на интересите на Бугарија и Бугарите против Македонија“, затоа што „бранејќи ги Бугарите и бугарските интереси против Македонија, грчкиот премиер ги бранел и грчките интереси и посебно Преспанскиот договор, со тоа што го негирал милениумски егзистирачкиот засебен македонски ентитетски супстрат.
- На грчко-бугарската оска која решила да го минира извештајот на Вајц, ѝ се има приклучено и Романија.
