Смеењето и онака е преценета работа а семето на не-хуморот кое своевремено го посеа нашиот драг Стеф (тука и тука и тука), наидува на плодна почва. "Глупи муабети" е парчето на новиот талент Марјан Ангеловски чија главна особина е својот стенд ап да го прави седнат. Се препорачува клипот и да го гледате седнати, не би ли не дошло до немила сцена да се превртите од смеење.

Партијата на Српските радикали на гласачките ливчиња за локалните избори во Црна Гора го добива редниот број 3. Сега, нивниот кандидат (името на коалицијата е Напријед Беране) ќе ви објасни како е тоа космички важно. 3-ки за парламентарни избори запишувајте ова.

Објавувавме и странски и пар домашни варијанти на музички видео спотови без глас. Во сите има некаква напнатост, бидејќи нешто природно недостасува во тој спот. Не и овде. Кога ја имате онаа ултра згодна Маријана, на кутар Тајзи нема ни да помислите. 

Го имавме на сајт пред некое време, човекот кој кога би го виделе на Широк Сокак и би ви предложиле три прекара, веднаш би погодиле дека неговиот е Свежио. Го преземаат битолчани од Анти - Емисија.