Не, не е тоа. Ова е многу полудо. Македонци во Мелбурн направиле преработка на традиционалното оро со античка кореографија, се вика 'Александрово оро'. Браќа прекуокеански, сакате да гласате? Може, ако донесете од тие дрогите. Не, озбилно, нè дупат ли овие?

Засега не одиме ама затоа можеме да пратиме наши дечки на лансирање Шатл. Е не, само Нигерија ли ќе има вселенска програма? Пазете вака: група паметни и амбициозни момци со својот талент се пријавуваат на NASA Space Apps Challenge. И од преку 1.200 проекти влегуваат во топ 25. А зезалицата која ја направиле е тотално кул. Тука настапувате вие.

На плоштадот коњ, на коњот воин а карши нив - тон еротика! Моделот се вика Викторија а автор на "Ладен поглед" е Зонде (Зоран Стојановски). Откако ќе го изгледате видеото (освен што ќе го пуштите уште еднаш), интензивно ќе мозгате кој прозор е уствари тоа. А кога ќе поминувате на тој дел, долго време ќе ве копка дали Вики е уште таму. 

Август, 1981, Скопје, главниот град на Социјалистичка Република Македонија.  Да ви ја доловиме медиумската тежина на тој настан: Замислете денес Ријана се вљубува во некое младо момче од Припор кој мести гипс картони и онда младите решаваат тоа да го крунисаат во наше матично, наш Континентал... Хаос? Хаос, нормално. Како за оваа 'свадба на деценијата' (денеска знаеме: и 'на векот', јер од Ријана абер нема) известуваа тогашните југословенски медиуми?