„Тркало на среќата“ е генијален балкaнски изум кој комплетно ги објективизира одлуките на еден маж, го ослободува од одговорност за постапките и му дава имунитет против тешките обвинувања дека прави што сака.

Потресно видeо за тоа како македонските политички елити (лелеј како нереално звучи ова) не се откажуваат лесно. Штом влезат во трка (септември 1996), штом се пробијат во топ 10, се држат ѕверски и со натчовечки напори нè оддржуваат на листата. Уште да видите за што се работи.

Уште од Машинка Лукиќ и Аполо 9, народниот а новокомпониран дух на овие простори не се задоволувал со идеализирање на руралното минато и традиционалните вредности и форми на живеење, туку повремено знаел да провири и во технолошки напредната иднина, честопати предупредувајќи на можни дистопични сценарија кои ќе афектираат битни аспекти од социјалната, економската па и сексуалната сфера. Токму таков, дами и господа, е овој футуристички увид на „Бишке и клонови.“