Направивте избори лани за да можете итно и квалитетно да ја решавате кризата, но штом ве избравме веднаш отидовте на одмор. Македонија изгуби животи колку во 3 скопски земјотреси. Народот е болен, сиромашен, без работа, очаен. Зошто имаме здравствен хаос? Затоа што касапот ни е министер за здравство.

За да ја изменаџираш кризата, решаваш од ракав да изјавиш дека сте решиле да не вакцинирате помлади од 60 години со Астра оти, види мајката, Германија и Канада така одлучиле. Оти бре не ги слушавте Данска и другите земји кога суспендираа вакцинирање со Астра за над 65 години туку тврдевте дека сè е ок?!

Можеби вирусот веќе „се напил доволно крв“, бидејќи според морталитетот на милион жители, сметајќи со 1,8 милион жители Македонија би се нашла на третото место во светот, веднаш после Чешка и Унгарија.

Само една година откако воената алијанса доби нова членка, НАТО рукито покажа извонредна подготвеност за мобилизација и интероперабилност, вештини исклесани од долгата агонија од неспособноста на локалниот генералштаб. Во рамките на вежбата „Ваксајнс 2021“ моторизирани македонски единици нагрнаа во соседна Србија, успешно пробивајќи се по ковид линијата Врање- Белград, со мали застои кај граничниот премин.