Цел свет следи препораки од СЗО, овие следат протоколи од СПЦ. Црногорскиот владика на Српската православна црква, блажено се упокојува од коронавирус и онда побожен нарад и младина доаѓаат да му целиваат чело, раце и слично. Хмм. Додуша, поради објективни околности, Амифолохије не е во можност да испушта „корпускули кои лелујаат во воздухот“ (копирајт:доктор Караџовски), ама пак бе?

Шемата на изместување на институциите со политички манипулации не може да трае вечно. Бидејќи на крај, повторно ќе се најде некој Политико напис со кој на јавноста ќе и се објасни она што Скопје го крие од сопствените граѓани.

Главниот архитект на актуелниот пакет мерки кој со дипломатски речник може да се оцени како дебилен, прописно се избламира на телевизија, лелеаво обидувајќи се да оправда зошто требало да носиме маски на отворено (ама не и во кафана).

Погледнете го филмот кој уште необјавен, предизвика страшна паника во Бугарија и особено ги заболе нашите источни пријатели, до толку што на скопската премиера на Трето полувреме, еден луциден и шармантен промотер на филмот, проба да ги смири страстите со следниот дисклејмер: „Во снимањето на овој филм не е убиен ниту повреден ниту еден Бугарин“. 

Го прашуваат Џеј што би му рекол на својот омилен внук ако некој ден би му дошол и би му кажал дека се дрогира. Не го знаеме омилениот внук, ама малиот треба да е среќен каква водилка има во животот.