Но, многу поважно ми е што и тој, а и Лупевска, се обидуваа да нè' направат неинформирани идиоти. Демек, руската пропаганда и хибридна војна против нас почнала уште од референдумот 2018!
Со тоа ни го одзема граѓанскиот интегритет и националното самочувство и им го припишува на странски пропаганди. Демек, ние кретени не знаеме што ни прават со Преспанскиот договор, и зошто го прават тоа, па Русите дошле да ни перат мозоци! (Патем, Русите ама ИЧ не ги бива за пропаганда, за медиуми, за ен-џи-о-а - ептен сирови и несмасни, ништо не научиле од Западот.)
Потоа, тврди дека паниката и недовербата на македонските граѓани (купување брашно, девизи, гориво) било исто резултат на руска пропагандна војна преку „ботови“, но тоа не важи за преплашените Европјани и Американци - тие не се предмет на пропаганда туку реално страдале од геоекономските последици на војната.
Конечно, ни кажа дека сме фактички (во непрогласена, но можна) воена состојба, ама сме подготвени.
За тоа ли влеговме во НАТО? За да војуваме? Затоа ли сменивме име? Нели НАТО носеше инвестиции, прогрес, економија - и најмногу од сè, безбедност!? Ние како сиромавиот што се фатил за орото, ама тапанот се скинал.
