Bookbox › Набрзинка

Сите наградени на 80-тиот филмски фестивал во Венеција

10 септември 2023

Филмот Poor Things (Сироти) на грчкиот режисер Јоргос Лантимос го освои „Златниот лав“ на јубилејното 80-то издание на Филмскиот фестивал во Венеција, што заврши вчера, 09.09. Филмот припаѓа на жанрот црна комедија и е заснован на истоимен роман од 1992 година на шкотскиот писател Аласдир Греј. Главните улоги ги толкуваат: Ема Стоун и Марк Рафало.
„Сребрен лав“ освои филмот Evil Does Not Exist (Злото не постои), мистериозна рурална драма што ја режираше Јапонецот Риусуке Хамагучи.
„Домаќинство за почетници“ на Горан Столевски во кој Македонија се појавува како ко-продуцент ја освои наградата Queer Lion.

Целосниот список на наградени на линкот.

14 ноември 2024

Како најава на нова архитектонска публикација „Артемушкин и Скопје“, која го истражува творештвото на еден од најголемите градители од периодот меѓу двете светски војни, авторите Ноеми Чаусидис и Мартин Ефремовски нудат уникатна прошетка низ нејзината содржина.
Настанот ќе се одржи оваа сабота – 16-ти ноември, во 12:00 часот, и ќе започне од фонтаната Лотус на влезот во Градскиот парк.
Ќе бидат посетени познатите палати Рубен, Бојаџиеви и Арапска куќа, но исто така ќе се откријат и помалку познати примери од творештвото на Артемушкин кои често ги игнорираме во секојдневниот живот низ Скопје. Регистрација е обврзна, на линкот.

13 ноември 2024

„Орбитал“ на британската авторка Саманта Харви, е романот којшто ја доби престижната Букерова награда за проза за 2024.
Станува збор за приказна за шест фиктивни астронaути (мажи и жени) на Меѓуародната вселенска станица кои во текот на едено деноноќие искусуваат 16 изгрејсоцна и 16 зајдисонца. Таа е опишана како „медитација за Земјата, убавината и човечките копнежи“.
Со само 136 страници, „Орбитал“ е втора најкратка книга која ја добива оваа награда. Таа е за четири страници подолга од „Крај брегот“ на Пепелоп Фицџералд, која доби Букер во 1979.