Нов парфем дизајниран од Комисијата за компири на Ајдахо (да, постои такво нешто) ја оддава аромата на помфрит, во сиот негов мрсен и солен сјај.
Frites by Idaho е ограничена серија, која до скоро се продаваше на сајтот на Комисијата за долар и 89 центи за мало шишенце, но многу бргу воочи Валентајн целосно се распродаде.
Парфемот се рекламира како „еден од најнеодоливите мириси на целиот свет“, а е дестилиран од есенцијални масла од овој зеленчук. Во веста не е јасно дали со него следат кечап и мајонез.
Наташа Атанасова (blen.mk) и Марија Павлеска (@mama_mi_chita) го започнаа книжевниот подкаст ЧИТКАСТ.
Во првата епизода низ игрив дијалог се покриваат куп теми, меѓу кои: Книга, киндл или аудиокнига?; Три книги со најголемо влијание на нивните животи; Една книга што би ја спасиле при пожар; Како бираат што читаат? итн.
Данскиот музички состав ЕФТЕРКЛАНГ ќе оджи концерт на отворено во културниот центар Паблик рум на 1 мај. Настанот, кој е замислен како “пикник – концерт” ќе започне во 14 часот.
ЕФТЕРКЛАНГ е дански бенд составен од три пријатели од детство, Мадс Браусер, Каспер Клаусен и Расмус Столберг. На 27 септември 2024 година го објавија нивниот 7 студиски албум насловен како “Things We Have In Common” со што ја започнаа својата светска турнеја.
Документарниот филм, “Efterklang: The Makedonium Band” (за кого во Букбокс пишувавме тука) беше премиерно прикажан во рамки на фестивалот “CPH:DOX” во Копенгахен, додека домашната премиера се реализираше во рамките на минатогодишниот филмски фестивал Синедејс.
