Bookbox › Набрзинка

Наод на денот: Пикасов молец

7 декември 2023

Латинското име му е Baorisa hieroglyphica или „Пикасов молец“ поради необичните разнобојни шарки на крилата кои изгледаат како да се нанесени од човечка рака.
Молецот прв пат е опишан од ентомологот Фредерик Мур во 1882. Тој го пронашол во делови од североистична Индија и југо-западна Азија.
Видот е редок, веројатно токму поради необичниот „дизајн“, кој е посластица за колекционерите на инсекти.

3 април 2025

Утре (петок, 4 април) во Градската библиотека „Браќа Миладиновци“ – Скопје ќе се одржи разговор со писателот и преведувач Владимир Јанковски, чиј роман „Ехото на акробатите“ е книга за месец април во сите библиотеки од мрежата на ГБСК. Разговорите со домашни автори, книгата на месецот и клубот на читатели се препознатливите елементи на големата кампања „Читаме современи македонски автори“.
Модератор ќе биде Александра Јуруковска, а фрагменти ќе чита актерот Андреј Серафимовски. Настанот ќе се одржи во 19 часот во спомен-собата „Т’га за југ“.
Јанковски за оваа книга ја доби наградата „Пегаз“ за најдобар необјавен роман во 2024 година, признание што го доделува издавачката куќа Арс Ламина.

31 март 2025

Второто издание на фестивалот за литература и општа култура „Видик“ ќе се одржи од 2 до 16 април 2025 во организација на „Литература.мк“. Тој се отвора во среда (2 април) во 19 часот во книжарницата во Дајмонд мол со промоција на новиот роман „Три Марии“ на Оливера Ќорверзироска. Следат 15 уникатни настани кои се спој на литература, музика, театар, дизајн и филм.
Средствата од продадените билети за музичките и театарските настани ќе бидат донирани за настраданите во несреќата во Кочани.
Присуството на музичките и на театарските настани е со влезници и со резервации на 070 391 100.
Повеќе детали за целосната програма тука