Bookbox › Набрзинка

Конференција на тема урбаниот профил на Скопје во современата проза

26 октомври 2022

Конференцијата ќе се одржи во четврток, 27 октомври 2022 година со почеток во 10.00 часот во амфитеатарот на Институтот за македонски јазик „Крсте Мисирков”, Скопје.
Видео-пораки во кои автопоетички се осврнуваат на значењето на градот Скопје во нивното творештво ќе имаат писателите Влада Урошевиќ, Александар Прокопиев, Оливера Ќорвезироска, Игор Анѓелков, Саша Станишиќ.
На конференцијата учествуваат 14 учесници, истражувачи и соработници од Институтот за македонска литература. Целата програма тука.
Истовремено ќе се промовира и зборникот „Писменото и книжевното културно наследство од Скопје и Скопско“- а промотор е проф. д-р Маја Ангеловска-Панова.

14 ноември 2024

Како најава на нова архитектонска публикација „Артемушкин и Скопје“, која го истражува творештвото на еден од најголемите градители од периодот меѓу двете светски војни, авторите Ноеми Чаусидис и Мартин Ефремовски нудат уникатна прошетка низ нејзината содржина.
Настанот ќе се одржи оваа сабота – 16-ти ноември, во 12:00 часот, и ќе започне од фонтаната Лотус на влезот во Градскиот парк.
Ќе бидат посетени познатите палати Рубен, Бојаџиеви и Арапска куќа, но исто така ќе се откријат и помалку познати примери од творештвото на Артемушкин кои често ги игнорираме во секојдневниот живот низ Скопје. Регистрација е обврзна, на линкот.

13 ноември 2024

„Орбитал“ на британската авторка Саманта Харви, е романот којшто ја доби престижната Букерова награда за проза за 2024.
Станува збор за приказна за шест фиктивни астронaути (мажи и жени) на Меѓуародната вселенска станица кои во текот на едено деноноќие искусуваат 16 изгрејсоцна и 16 зајдисонца. Таа е опишана како „медитација за Земјата, убавината и човечките копнежи“.
Со само 136 страници, „Орбитал“ е втора најкратка книга која ја добива оваа награда. Таа е за четири страници подолга од „Крај брегот“ на Пепелоп Фицџералд, која доби Букер во 1979.