Со поголем број настани на различни локации низ градот денес, 26.7, ќе бидат одбележани шест децении од катастрофалниот земјотрес. 

• Под мотото „За Скопје со љубов“ на плоштадот Филип Втори - Камени мост, Црвениот крст на град Скопје ќе изведе неколку активности како цртање на мурал, интерактивна обука за справување со катастрофи, иницијатива за пишување на писма и телеграми, изложба на капацитетите на нашето Нaционално друштво и дружење со вработените и волонтерите на Црвениот крст.
• Во Музејот на современата уметност (МСУ) ќе биде отворена дигиталната изложба „Подемот и падот на Скопје“ на Државниот архив, преку фотообјективот на Киро Георгиевски, вработен во Градското собрание во 1950-тите години. Изложбата во МСУ ќе може да се посети од 10 до 13 часот и од 15 до 17 часот. 
• Кон одбележувањето на 60-годишнината на скопскиот земјотрес ќе се приклучи и Кинотеката каде што од 18 часот ќе биде прикажан избор од кратки филмски журнали на „Филмски новости“. Од 20 часот тука премиерно ќе биде прикажан и дигитализираниот филм „Мементо“ на Димитрие Османли.
• Изложбата „СКОПЈЕ – ГРАДОТ ФЕНИКС“ во Музејот на град Скопје, чиј автор е Зоја Богдановска, кустос советник историчар во Музејот, ја раскажува приказната за катастрофалниот земјотрес во Скопје од 26 јули 1963 година. Животот во градот непосредно по земјотресот и сето она што ќе следи во првите месеци по катастрофата, е раскажано на паноата и преку изложените музејски предмети и материјали.

Повеќе за настаните тука