- Изложбата со наслов „На работ“ на авторите Гоце Наневски и Дориан Јовановиќ ќе биде отворена во вторник, 10 септември, 20 часот, во Националната галерија на Македонија, „Чифте-амам“.
- Станува збор за трансмедијален и трансдисциплинарен проект што содржи повеќе просторни сегменти од целината, распределени во предизвикувачкиот амбиент на „Чифте-амам“.
- Наневски и Јовановиќ тргнуваат од тезата дека реалноста не е вродена, туку општествено конструирана преку јазикот, симболите и споделените значења. Оттука, преку својот проект „На работ“, тие ги конструираат, деконструираат или реконструираат општествените реалности, истовремено критикувајќи ги.
- Вчера вечер (15.09.) се одржа 76-тото доделување на наградите „Еми“, во салата Пикок во Лос Анѓелес. Доминираа сериите „Мечката“, која освои награди во три од четирите категории за најдобри комедии и „Шогун“, со четири награди во категоријата за драма.
- Џереми Ален Вајт и Ебон Мос-Бахрач од „Мечка“ ги добија наградите за најдобар актер и за споредна машка улога во комедија. Џоди Фостер е најдобра актерка во ограничена или антологиска серија, за „Тру детектив“. Најдобра актерка во драма е Ана Саваи за „Шогун“, а најдобар актер во драма е Хиројуки Санада за истата серија.
- Вил Смит (не актерот) доби Еми за сценарио за „Слоу хорсис“, а Ричард Гад за сценарио за ограничена или антологиска серија или филм, за „Бејби рејндир“.
Сите награди на линкот.
- Гости на 12. Интернационален литературен фестивал ПРО-ЗА Балкан, ќе бидат познатиот хрватскиот новинар и писател Борис Дежуловиќ, Рене Карабаш од Бугарија, Мајк Дауни од Велика Британија, Ненад Шапоња од Србија, Мајда Корен од Словенија и нашите автори Виолета Танчева-Златева и Ѕвездан Георгиевски. Свеченото отворање е на 15 септември во 20 часот во Даут-пашиниот амам.
- Српскиот писател Владимир Пиштало е годинашен добитник на наградата „Прозарт“, што Интернационалниот литературен фестивал „ПРО-ЗА Балкан“ ја доделува на истакнат автор за авторски придонес кон развојот на книжевноста на Балканот. Наградата ќе му биде доделена лично на 17 септември 2024 година, на свеченото затворање на фестивалот на 17-ти.
- Во рамките на ПРО-ЗА Балкан, годинава се одржува и 11-тата програма „Скопје фелоушип“.
Целата програма тука.