И македонскиот дел од обидот за рушење рекорд во читање на најмногу јазици
12 октомври 2022
- Музејот на исламска уметност од Катар денес, 12.10., ќе се обиде да постави рекорд во читање книга на најмногу светски јазици, а меѓу јазиците ќе биде и македонскиот. Ова се прави во контекст на големиот број јазици кои ќе оддекнат низ оваа земја за време на Светското првенство во фудбал, кое почнува на 20 ноември. Ќе се чита „Малиот принц“ на Антоан де Сент Егзипери, книга преведена на повеќе од 505 јазици, а предизвикот ќе вклучува 56 од нив.
- Читањето ќе започне во 17 часот по македонско време, ќе трае околу 2 часа, а вкупно ќе има 150 читачи. Помеѓу нив е Анета Перевска, која живее и работи во Катар во последните четири години. Вработена е како сениор маркетинг специјалист во маркетинг одделот на Музеите на Катар (Qatar Museums), организација која раководи со сите државни музеи во земјата.
- Настанот во живо ќе може да се проследи тука.