- Ема Зафирова денес работи во општина Центар, но има дванаесетгодишно искуство како одделенски наставник во ОУ „Ј. Х. Песталоци“. За да го поттикне читањето таа вовела натпревар, со тоа што сите ученици кои имале прочитано дополнителна книга покрај лектирите добивале награда.
- По секоја прочитана книга ученикот требало да ја прераскаже пред останатите и да им објасни зошто и тие треба да ја прочитаат. Децата биле мотивирани, а на овој начин бил вежбан и јавниот говор.
- Со учениците и родителите била формирана и одделенска библиотека, во која учениците носеле книги од дома.
- Како најава на нова архитектонска публикација „Артемушкин и Скопје“, која го истражува творештвото на еден од најголемите градители од периодот меѓу двете светски војни, авторите Ноеми Чаусидис и Мартин Ефремовски нудат уникатна прошетка низ нејзината содржина.
- Настанот ќе се одржи оваа сабота – 16-ти ноември, во 12:00 часот, и ќе започне од фонтаната Лотус на влезот во Градскиот парк.
- Ќе бидат посетени познатите палати Рубен, Бојаџиеви и Арапска куќа, но исто така ќе се откријат и помалку познати примери од творештвото на Артемушкин кои често ги игнорираме во секојдневниот живот низ Скопје. Регистрација е обврзна, на линкот.
- „Орбитал“ на британската авторка Саманта Харви, е романот којшто ја доби престижната Букерова награда за проза за 2024.
- Станува збор за приказна за шест фиктивни астронaути (мажи и жени) на Меѓуародната вселенска станица кои во текот на едено деноноќие искусуваат 16 изгрејсоцна и 16 зајдисонца. Таа е опишана како „медитација за Земјата, убавината и човечките копнежи“.
- Со само 136 страници, „Орбитал“ е втора најкратка книга која ја добива оваа награда. Таа е за четири страници подолга од „Крај брегот“ на Пепелоп Фицџералд, која доби Букер во 1979.
