- Прва изложба на дела на актерот-вајар Бред Пит е отворена во Уметничкиот музеј Сара Хилден во Тампере, Финска, заедно со дела на Ник Кејв и уметникот Томас Хаусеаго. Насловот на поставката е „Ние“ а ќе трае до 15 јануари.
- Помеѓу деветте дела на Пит се структура во облик на куќа направена од проѕирен силикон издупчена од куршуми, и првата скулптура која некогаш ја направил од 2017, минијатурна куќичка од кора од дрво исполепена со селотејп. Најголемото дело е бронзена кутија на која се прикажани раце, нозе и лица од различни агли, како и гипсан рељеф „Нишанејќи кон тебе се видов но овојпат беше доцна“, на кој се прикажани осум фигури во вооружен судир.
- Актерот почнал да работи со керамика по турбулентниот развод од Анџелина Џоли, а сега има свое скулпторско студио во Лос Анѓелес.
- Дали е чудно да се каже антропологинка, етнологинка или гинекологинка? Одговорите на овие и многу други прашања ќе бидат во фокусот на дискусијата „Од каде сега феминативи?“, што ќе се одржи на 4 јуни (четврток) во Лабораториум со почеток во 19 часот.
- Иницијативата „Зборци“ организира отворена дискусија посветена на феминативите и нивната улога во современиот македонски јазик. Настанот ќе отвори разговор за тоа колку сме подготвени да ги менуваме јазичните навики и како зборовите влијаат врз начинот на кој ја разбираме и обликуваме реалноста.
- На настанот ќе се обратат проф. д-р Симон Саздов од Филолошкиот факултет „Блаже Конески“, етнологинката и антропологинка Јана Коцевска и македонистката и лекторка Татјана Б. Ефтимоска. Организаторите најавуваат отворен разговор во кој публиката ќе има можност активно да се вклучи и да придонесе кон дебатата за јазикот, родот и општествените промени.
- Филмот „Фјорд“ од романскиот режисер Кристијан Мунџиу ја освои Златната палма вечерва на 79-от Меѓународен филмски фестивал во Кан, објавија француските медиуми. Мунџиу ја доби својата прва Златна палма во 2007 година за филмот „4 месеци, 3 недели и 2 дена“.
- Гран при наградата ја освои продукцијата „Минотаур“ од рускиот режисер во егзил Андреј Звјагинцев, додека наградата на жирито ја доби филмот; „Сонуваната авантура“ во режија на Валеско Гризебах.
- Наградата за најдобар режисер им припадна на Хавиер Калво и Хавиер Амбрози за филмот „Црната топка“ (La Bola Negra), како и на Павел Павликовски за филмот „Татковина“.
- Претседател на жирито оваа година беше јужнокорејскиот режисер Парк Чан Вук, а во жирито беа американската актерка Деми Мур (Мур) и кинеската режисерка Клое Жао.
