Bookbox › Набрзинка

50 филмови на 2023-та

31 декември 2023

Изборот на најдобрите 50 филмови во 2023 година е на филмскиот критичар Слаѓан Пенев, селектор на главната натпреварувачка програма на Интернационалниот фестивал за филмска камера „Браќа Манаки“ во Битола.
Во годината во којашто холивудската продукција беше ставена на „холд“ поради генералниот штрајк, а можеби и токму поради него, на површина испливаа квалитетни филмови кои можеби инаку не би дошле во фокусот на интересирањето.
Два филма кои ги нема на листата, а заслужуваат да се најдат таму се „Маестро“ и „Блекбери“. Повеќето наведени допрва ќе ги очекуваме на вообичаените извори на снабдување.

Првиот дел од 25 филмови на линкот, вториот тука

14 ноември 2024

Како најава на нова архитектонска публикација „Артемушкин и Скопје“, која го истражува творештвото на еден од најголемите градители од периодот меѓу двете светски војни, авторите Ноеми Чаусидис и Мартин Ефремовски нудат уникатна прошетка низ нејзината содржина.
Настанот ќе се одржи оваа сабота – 16-ти ноември, во 12:00 часот, и ќе започне од фонтаната Лотус на влезот во Градскиот парк.
Ќе бидат посетени познатите палати Рубен, Бојаџиеви и Арапска куќа, но исто така ќе се откријат и помалку познати примери од творештвото на Артемушкин кои често ги игнорираме во секојдневниот живот низ Скопје. Регистрација е обврзна, на линкот.

13 ноември 2024

„Орбитал“ на британската авторка Саманта Харви, е романот којшто ја доби престижната Букерова награда за проза за 2024.
Станува збор за приказна за шест фиктивни астронaути (мажи и жени) на Меѓуародната вселенска станица кои во текот на едено деноноќие искусуваат 16 изгрејсоцна и 16 зајдисонца. Таа е опишана како „медитација за Земјата, убавината и човечките копнежи“.
Со само 136 страници, „Орбитал“ е втора најкратка книга која ја добива оваа награда. Таа е за четири страници подолга од „Крај брегот“ на Пепелоп Фицџералд, која доби Букер во 1979.