Од тој текст на ватиканскиот професор (го имате на Лупига, најтопла препорака) паѓаат вилици, ако од ништо друго тогаш од сознанието со кого сè Боро се расправа, допишува, полемизира и дебатира. Со кардинали и разно-разни ватикански вождови, што во лице, што по тркалезни маси. Тој ги тера таму каде што мисли дека им е место, а тие на сето тоа пак го викаат и го почитуваат, дотаму што и предговори за книга му пишуваат.
Во предговорот посебно се издвојува тој есеј околу кој направивме фама. Со есејот се отвора книгата а за него професор Батистута ќе напише:
„Веднаш по објавувањето во магазинот Ривиста Грегориана, во февруари 2017, есејот „Постои ли Бог“ предизвика голем интерес и произведе полемика која во теолошките кругови денес ја нарекуваат „Третиот Ватикански концил“.
Елем, наш човек (@rnixn, лепи громе мој!) ја нарача книгата, таа стигна во Скопје среде сите карантини и изолации, ние неколкумина се наредивме за позајмување на книгата, ама бидејќи нè копка, посакавме сега да го читнеме барем тој фамозен есеј.
- Цел есеј да ти го пратам?
- Цел!
- Повели, куме.
