Артим Шаќири е синоним за гол од корнер, барем за нас Македонците, ама и за Англичаните. Паѓа ретко, а вечерва во Лига Европа го имаше на дуелот Розенборг - ЛАСК за 0:1. Е јако е ова, знаеме.

Вилнус, Волгоград, Ритас, Казањ, Краснодар, Киев, Каунас се само некои од далечните дестинации на Милорад, навивач на белградски Партизан кој и зиме и лете чека автостоп по автопатиштата за да стигне до дестинацијата каде игра неговиот клуб. Денес, после 3 дена од Рига стигнал до Холандија каде „црно-белите“ играат против Аз Алкмар во Хаг.

Одбранбениот фудбалер Макс Тејлор се најде на списокот од 14 играчи помлади од 20 години кои отпатуваа со Манчестер Јунајтед во Казахстан каде ќе ѝ гостуваат на Астана во Лига Европа.

Феенорд од Ротердам играше против швајцарскиот клуб Јанг Бојс и мечот заврши 1:1. Од неодамна тренер на холандскиот тим е Дик (Dick) Адвокат, па навивачите на Феенорд невешто пробале да направат смешка на темата.

Од 3 гола кои руски Краснодар му ги кладе на Трабзонспор, вториот беше многу интересен. Го даде Мануел Фернандеш со петица. Краснодар сега има 6 бода колку што има и вториот Хетафе на 2 кола пред крајот.

Во 78’ минута од дуелот Вулверхемптон - Слован Братислава, најдобриот играч на домашните, шпицот Раул Хименез со полна нога во лице го удри стоперот на Слован Кенан Бајриќ и го онесвести. Среќа сè добро се заврши и Кенан брзо се врати. На крајот, дури во 90+9’ минута од судиско продолжение, Хименез даде победнички гол за Вулвс.

Селтик, Севиља, Базел, Еспањол и Манчестер Јунајтед се пласираа во следната рунда од Лига Европа, откако вечерва освоија по 3 бода. Рома ќе има тешка задача затоа што гостува во Истанбул кај Башакшехир во следното коло.

За време на мечот Борусија Менхенгладбах - Рома во рамките на 4. коло од Лига Европа, домашниот голман Зомер го залепи својот бек толку силно со една топка, што овој не можеше да се опорави долго. После 75  минути игра резултатот е 1:1 а и двата гола (еден автогол) ги даде стоперот на Рома Фацио.

Фудбалерите на Селтик направија целосен пресврт и по триумфот во Глазгов, го победија Лацио и среде Рим, идентично со 2:1 после катастрофална грешка на Валон Бериша во 95-та минута од мечот. Севиља е во следна рунда, а голема неизвесност ќе има речиси во сите останати групи.

Близу педесетина навивачи на Лацио, минатиот четврток гостуваа во Глазгов, каде нивниот тим играше против Селтик во Лига Европа. Додека оделе кон стадионот, марширале со римско салутирање познато како фашистички поздрав.

Со двете мајстории на Николас Пепе во 80-та и 92-ра, фудбалерите на Арсенал се спасија од срам против Виторија Гимараеш. Пресврт во 90-та направи и Селтик против Лацио.

УЕФА го казни словачкиот клуб Слован Братислава со забрана за гледачи, па во меѓувреме дозволи на стадионот да има деца до 14 години ама и гостински навивачи кои добија посебни, уникатни услови.

На мечот ЦСКА Москва - Еспањол (0:2) во Лига Европа, најпопуларниот кинески фудбалер во моментов Ву Леи влезе во историјата како прв фудбалер од оваа земја кој ја затресол мрежата во некое европско натпреварување.

Од 24 одиграни натпревари синоќа во ЛЕ, најинтересен беше мечот меѓу комшиите од Шведска и Данска. Копенхаген му гостуваше на Малме, а дистанцата меѓу овие два града е само 43 километри и тоа преку оној фамозен мост.

Во Лига Европа синоќа и во текот на вчерашниот ден беше генерално мирно од навивачки аспект: немаше брканици по плоштади, немаше повредени или приведени. Ама затоа имаше нов случај дрон.

Мечот од Лига Европа меѓу Дуделанж и Карабах синоќа беше во прекин, откако некој среде Луксембург се обиде да го испровоцира азербејџанскиот тим со ерменско знаме закачено на дрон, а проблемот е што Ерменија и Азербејџан се од поодамна во војна. Еден од играчите се обиде да го симне, како порано во маало кога ќе ни се закачи топка на дрво. Се посрамоти за сите пари.

Во европските купови екипите влегуваат на терен со деца до нив. Ама ретко кој знае колку е тешка процедурата да им се каже на децата кој ќе држи за рака познати фудбалери а кој не. И за тоа има решение.

Од сезоната 2021/22, УЕФА сериозно ќе ја смени структурата на еврокуповите. Овие промени нема да ја тангираат Лига на шампиони, но затоа групната фаза на Лига Европа ќе се скрати на 16 клуба и ќе се појави трет еврокуп.

После малиот Фати од Барса кој од коло во коло руши некакви рекорди, сега дојде ред и на Мејсон Гринвуд, 17-годишниот бисер на Манчестер Јунајтед кој го постигна победничкиот гол против Астана на „Олд Трафорд“ во Лига Европа.

Далеку сме ние од давање вакви џентлменски изјави со извинувања, ама фино би било да чуеме/да чујат нашиве дека некој некаде ги дава.

Белградски Партизан поради казната од УЕФА немаше право на гледачи за дуелот со АЗ Алкмар во Лига Европа. Но УЕФА им дозволи на „црно-белите“ и во плејофот и синоќа во групна фаза да имаат само деца на трибините. Партизан ја искористи таа можност и на стадионот ЈНА имаше деца од фудбалски школи од целиот регион.

Навивачите им направија шоу, стадионот беше преполн, ама фудбалерите на Борусија Менхенгладбах го доживеаа можеби најтешкиот пораз во еврокуповите. Со 0-4 дома ги прегази австриски Волсфберг кој не памети кога последен пат играл Европа. Чуден резултат многу.

Дуделанж од Луксембург синоќа го направи најголемото изненадување во Лига Европа откако ја оствари првата историска победа и тоа со пресврт 3:4 против АПОЕЛ. На 0:0 направија циркузијада пред гол. Епа не можеше повеќе да се ушепртља.

Стефан Ристовски е единствен македонски репрезентативец сезонава во Лига Европа, но и тој вечерва не настапи поради повреда против ПСВ кој го совлада Спортинг. Дуделанж од Луксембург стигна до првата победа во ЛЕ и тоа со херојски пресврт на гости.