Македонските цепелини се добро познат белег во играта на нашите ракометари и тие не го бираат противникот. Шпанија тоа го почувствува на Мундијалот пред две години кога загубивме со 4 гола разлика. Па нека биде така и вечерва, ама со резултат во наша полза. Да ве потсетиме како Кире ги потепа на СП 2017 во Франција.
Капитенот на македонската репрезентација својата светска одисеја ја започна од РК Загреб, клуб во кој дојде од битолски Пелистер во 2000 година. Хрватската јавност исклучително многу го цени Лазаров кој вечерва ќе игра токму против нив - на мегдан со Червар.
Ретко минува натпревар на Македонија без цепелин, без разлика дали противникот се вика Јапонија или Шпанија. Беа трпеливи, се обидоа еднаш, па два пати, па им успеа од трета мајка. Овој пат цепелинот беше братски.
Македонската ракометна репрезентација добро се загреа во пресрет на Мундијалот во Германија и Данска и со 37:31 ја совлада селекцијата на Србија. Имаме за издвојување три јаки голови кои со овации ги награди публиката во Борис Трајковски.
На три недели до Светско ракометно првенство во Германија и Данска, ИХФ ги објави најубавите 10 гола од претходниот Мундијал во Франција. Во таа конкуренција влезе потегот по кој станавме препознатливи. Двоен цепелин, убавина за очи и душа.
По не баш убедливата игра против Турција во Битола, македонските ракометари вечерва го претрпеа можеби најтешкиот пораз откако играме квалификации против далеку послабо рангирана репрезентација. Грција - Македонија 28-26.
Иако поминаа две децении откако го носеше дресот на Пелистер, капитенот не го заборавил долгогодишниот економ на клубот каде ја почна кариерата во 1997-ма година. По долги години Кире повторно заигра ракомет во Битола и се сретна со Дади на кој му го подари дресот. Низ насмевка рече дека многу добро го гледал кога бил играч на Пелистер.
Некој знаеше да каже: Што па од Барселона замина во Нант? Одговорот е прост: За да гази и таму и да и покаже на француската публика што знае старата незаменлива искусна македонска коска. Без него топки што ќе беа први.
Иако ја доби улогата носител во посилната половина од групите, ждрепката му донесе многу тешка група на Вардар, а Металург ќе може полесно да дише затоа што игра со ривали кои не се баш непобедливи.
Најдобрите македонски ракометари ја сочуваа големата предност од Скопје (32-24) и по шести пат (четврти пат во низа) обезбедија пласман на Мундијалот во Германија и Данска на почетокот од 2019.
Ракометарите на Нант направија сензација на првиот полуфинален дуел на фајнлфорот во Келн. ПСЖ е на колена, а еден од најзаслужните за ова големо изненадување е капитенот на Македонија кој го исфрустрира светскиот голман Омејер и испиша нова историја во ЛШ.
Најдобриот македонски ракометар на сите времиња, Кирил Лазаров попладнево стана најдобриот голгетер на Ф4 турнирите во ЛШ кои се играат од 2010-та во ваков систем на четири најдобри.
„Ил капитано“ за кој се молиме вечерва да го видиме на паркетот, одговара на блиц прашања за своите колеги и со тоа ни открива неколку нивни особини. Си кажа една и за себе.
Македонската ракометна репрезентација е во друштво на четирите великани Франција, Шпанија и Шведска кои завршија лидери во своите групи, па не треба да не чуди што за успехот на нашите јунаци се интересираат и новинари од регионот.
Македонија предводена од Ел Команданте Раул игра врвен атомски ракомет и со големи три бода оди во следната фаза. Вечерва и актуелниот европски шампион Германија на своја кожа го почуствува нашиот најдобар рецепт.
Во последното коло од групата Ц, нашите најдобри ракометари ремизираа 25-25 (11-12) со актуелниот европски првак Германија и со три бода одат во следната фаза.
Од утрешниот меч против Германија (18:15) зависат неколку сценарија и насоки по кои ќе одат нашите најдобри ракометари. Во втората фаза нè очекуваат мега дуели против Шпанија, Данска и евентуално Чешка/Унгарија.
Македонската ракометна репрезентација игра пеколно тежок меч со Црна Гора и губи 16:15 по првиот дел. Најатрактивен момент во првите 30 минути беше тоа што веќе стана белег во играта на нашите ракометари.
Од Скопје до Загреб има 800 и кусур километри возење, а тоа е лесен залак за многу наши навивачи кои ги бодрат јунаците на Раул. Но на ова Европско првенство медалот за најјаки навивачи оди кај едно семејство кое се реши за дестинација Канада - Хрватска, само за да го гледа во живо капитенот.
Во рамките на првиот меч на нашата репрезентација на 13. Европско првенство, Македонија со 25-24 ја совлада третата селекција од последното Светско првенство во Франција.
На Европското во Хрватска ќе играме во Загреб, во групата Ц против Словенија (13. јануари од 17:15), против Црна Гора (15. јануари 20:30) и против Германија (17. јануари 18:10). Како и секојпат нашите најдобри ракометари ќе имаат поддршка и во сала и од дома.
Во разговор за порталот „Независне“ од Бања Лука најдобриот стрелец во историјата на Лигата на шампионите кој наскоро ќе го даде и 1.200-от гол во елитното друштво дава интересни одговори.
Нант и Загреб одиграа доста неизвесен натпревар во 8. коло од ЛШ, а финишот од средбата беше пеколен. Хрватите израмнија на 15 секунди до крај, па додека да се свртат примија гол од пола терен. Кулминација на драмата беше последната одбрана на домаќините со звукот на сирената. Кире Лазаров даде 5 гола за Нант.
