Царот овој пат раскажува кога со Ливерпул бил во Катар на Светското клупско првенство. Клоп ко Клоп се исправил пред ресторанот со тоа неговата насмевка, покажал беџ од Ливерпул, ама ако терал со она “мене ли не ме знаеш“, ќе останел гладен. Правилата важат подеднакво за сите, а тој ги прифатил џентлменски.

Toa што е најлогично, разбирливо и за очекување, го направија со стил, ама и на (пред)време. Зошто да чекаат до 2022-ра, кога може уште сега да го осигураат на подолги стази. Така работи само голем и професионален клуб како Ливерпул.

Иако беше апсолутно во право за замерката (многу преведувачи не познаваат фудбалска/спортска терминологија па буквално преведуваат на прес-конференциите), Јирген Клоп како прав џентлмен му се извини на преведувачот за тоа што јавно пред сите отворено го критикуваше пред мечот Салцбург - Ливерпул кој заврши 0:2.

Обично е цар, односно секогаш е цар на прес конференциите. Можеби денеска во пресрт на гостувањето против Салцбург не ги насмеа новинарите толку многу, ама затоа пак беше оригинален и му даде до знаење на преведувачот дека не си ја врши работата како што треба, па за момент го замени.

Во една ваква ситуација никој не очекува ни помалку ни повеќе од царот, туку најнорамлна реакција во негов стил. Звони мобилен на новинар, а Клоп му вели: „Те бара Принцезата Лесли Лу. Ми се допаѓа“.

После натпреварите во Премиер лигата, тренерите не даваат интервјуа и изјави само на англиските медиуми, туку и на странци, и тоа е пропишано во согласност со ТВ правата. Јирген Клоп после победата над Манчестер Сити од 3:1 одговараше на прашањата на новинарот на романски Eurosport. На крајот од интервјуто репортерот му подарил клоп - традиционална романска шапка.

Во неделата Клоп и Пеп го одиграа најголемото дерби сезонава во Премиер лига, а веќе во понеделникот слетале во Швајцарија на годинешниот тренерски елитен форум на УЕФА кој се одржува од 1999 година. Во еден момент после форумот Јирген го начекале италијански новинари и забавата можела да почне. Дур не свратил Гвардиола.

Актуелниот европски шампион Ливерпул на 17 декември почнува на Светското клупско првенство, од полуфиналето во Доха, а следниот ден има натпревар со Астон Вила во англискиот Лига Куп. Клоп решил да ги испочитуваат и двете натпреварувања и дека 100% ќе играат во предвидените термини. Против Вила најверојатно со младинци и резервисти.

Сите тројца кои влегоа во финале се од Премиер лига и сите имаа фантастична сезона. Манчестер Сити ја освои Премиер лигата, а Тотенхем и Ливерпул стигнаа до финалето во ЛШ. Клоп како прав господин ги спомена колку биле добри сите, но прво му се обрати на Покетино. Да потсетиме, со нула трансфери стана втор во Европа.

Наградата The Best која што ја доделува ФИФА од 2016 година, синоќа во Милано ја доби Лионел Меси. Во претходните три изданија секој пат победуваше играч на Реал Мадрид (два пати Кристијано и еднаш Модриќ).

Ливерпул го освои Супер Купот на Европа против Челси во Истанбул на пенали. Од денешните видеа поврзани за таа тема би сакале да споделиме две. Првово е цепки, погледнете бре колку јако ги измонтирале, особено Фирмино со тоа осмехот.

Новиот хит во НБА, кошаркарот на Бостон Селтикс, 23-годишниот Тако Фол дошол во соблекувалната на Ливерпул пред пријателската на овој клуб против Борусија Дортмунд и ги фрапирал сите присутни. „Овој може да нè изеде за доручек“, вели Вирџил Ван Дајк во соблекувалната.

После ваков однос на Клоп со сите вработени во клубот, од хигинечарки до највисоките во хиерархијата, чудо ќе беше Ливерпул да не станеше европски шампион. Јирген бил на одмор каде што бил, се враќа, и добредојде му посакува целата база.

УЕФА му даде забавна задача на најзабавниот тренер да ги распознае своите фудбалери преку фотографии од порано кога биле деца. Што и да му даде човек да прави камера, тој е забавен и оригинален.

Веќе во целост се вклопил во англиското традиционално секојдневие. Оди во пабови на фиш енд чипс, пие пиво, игра квизови, се забавува со куглање со пензионери, го шета кучето по плажа на Ирското море. Едноставно живее мирен и убав живот.

Кога сфаќаш дека понудата во оваа спортска среда се состои од натпревари на Пескара, Пиза, Минесота Јунајтед, Тун, Домжале, како и норвешки куп, седнуваш и наоѓаш ваква занимација.

Јирген Клоп како да го запали шкорчето во сноп сено со изјавата дека е неодговорно од УЕФА што едно големо финале на Лига Европа ставила во Баку до каде е многу тешко да се стигне по алтернативен начин. Еден народен писател од Баку му одговори.

Готово е. Англиското првенство заврши на неверојатен начин, со борба за титулата до последно коло. Ја освои бранителот на трофејот Сити чијшто тренер стана еден од тројцата кои го направиле овој подвиг.

Ден откако стана јасно дека сите четири екипи во финалињата на ЛШ и ЛЕ се англиски, навивачите од оваа земја почнаа да кројат планови како до Мадрид и Баку. Првите отишле оган со цените за смештај, а вториве се џенем.

На прв муабет мислиш дека е многу голема и дека се гледа од секаде, но не е баш така. А домашните фудбалери обично мислат дека им носи среќа, иако Клоп им забранил да ја допираат додека не освојат нешто. Само Хендо смее.

Генерацијата фудбалери на Ливерпул што ја предводи Јирген Клоп дефинитивно стана историска и ќе се памети уште долго. Германскиот стручњак од година во година прави неверојатни нешта со „црвените“.

Еден од најголемите борци во англискиот фудбал, репрезентативец и неверојатен фајтер Џејмс Милнер синоќа не можеше да ги додржи емоциите и се расплака како мало дете. Легенда.

Ливерпул го декласираше Хадерсфилд 5:0 и барем до одигрувањето на дуелот Барнли - Манчестер Сити е прв на табела со 2 бода повеќе од Граѓаните. Со царот Клоп нема крај на неговите Клоп настапи. Прво им мафта на навивачите, демек нема славје, а потоа се претвора во вистинскиот Клоп.

Кој и да го освои сезонава трофејот во Лига на шампиони ќе бидат живи радости за тренерот, бидејќи никој од нив до сега не успеал во тоа, а најблиску бил Јирген Клоп. Последен пат се случило вакво нешто со Порто на Мурињо.