Наполи се врати на +18 пред Интер после синоќешниот триумф над Аталанта од 2:0. Елмас влезе во второ и го намести вториот гол од корнер. После мечот навивач го познаа во густиот сообраќај во кола, а Елиф како подарок му ја даде тренерката.

По погодоците против Сампдорија и Јувентус, Елиф Елмас го запишува и третиот гол за Наполи во 2023-та, вкупно шести сезонава. Само 9 минути откако влезе во игра против Кремонезе, го зголеми резултатот на 3:0. Наполитанците имаат +16 пред Интер кој утре и гостува на Сампдорија.

Елиф Елмас доби 90 минути на гостувањето против Салернитана и за влакно не постигна гол, кој ќе му беше трет во 2023-та. Штета, ќе се радувавме на голчиште за македонскиот репрезентативец.

Елиф Елмас го запиша вториот гол во 2023-та и вкупно петти сезонава во Серија А, откако синоќа лесно го реши Филип Костиќ во дуел еден на еден и го заокружи дебаклот на Јуве од 5:1. Без разлика дали е стартер или замена, веќе стана препознатлив како играч кој секогаш го дава максимумот, а тоа го вели во изјавите и Спалети. Кај нас е познат како „македонски дијамант“, а кај нив од сега како „El Massimo“ или во превод „Максимумот“.

Јувентус ја завршува одличната серија од 8 победи по ред во Серија А и тоа на најлош можен начин, со пораз од 5:1 од големиот ривал Наполи на кој пред ова коло му се доближи на -7. Нов гол за Елиф Елмас кој после оној против Удинезе, лесно се ослободи од Костиќ и стигна до петтиот сезонски погодок.

Со исклучок на дуелот против Специја, Елиф Елмас на сите други четири меча како стартер за Наполи ја оправдува првотимската улога со гол или асистенција. На мечот против Сампдорија за прв пат му дадоа да шутира од пенал, а тој приликата ја искористи на перфектен начин.

Наполитанците направија рекапитулација на голчишта за 2022-ра и во топ 5 ги ставија Грузиецот Кварацхелија, Аргентинецот Симеоне, Нигериецот Осимен, Пољакот Зјелински и Македонецот Елмас. Имаат прашање до фановите: Кој е најубав за оваа година?

Додека во Катар се игра Светско, клубовите мора да бидат во добра кондиција за новите предизвици во јануари. Наполитанците се на подготовки во Анталија со играчите кои не се ангажирани за репрезентација. 

Елиф Елмас сезонава покажа голема професионалност и трпеливост на клупата за резервни играчи. Доби три шанси како стартер во Серија А и на сите три одговори со гол. 

Македонскиот дијамант му покажа на Лучано Спалети зошто не е играч за на клупа. Го замени повредениот Кварацхелија и експлодираше. Наполи игра страшно и за прв пат во историјата врзува 11 победи во низа.

Ливерпул го совлада Наполи со 2:0 и му го нанесе првиот пораз сезонава. Елиф Елмас стандардно доби шанса во вториот дел и доби малку ќотек од стрелецот на вториот гол.

4 октомври 2022-ра е датум кој Ајакс и навивачите ќе сакаат што побрзо да го заборават. За прв пат во историјата примаат минимум 5 гола дома во ЛШ. Покрај историскиот дебакл од 1:6 од Наполи останаа и без капитенот Душан Тадиќ кој во 73-та минута доби втор жолт картон за овој груб зафат врз Елмас.

Со голот на Распадори во 89-та минута, Наполи викендов ја совлада Специја со 1:0. Лучано Спалети конечно го стави Елмас во прв тим, а во еден момент се оштети од викање Елииииииииф.

По нерешените 0:0 во Фиренца, Наполи повторно одигра реми и во 4. коло од Серија А, овој пат дома против Лече. Спалети за прв пат сезонава го стави стартер Елиф Елмас, а тој го отвори резултатот во 27-ма минута. Гостите одговорија преку 20 годишниот Лоренцо Коломбо кој ја опали многу јако за конечни 1:1.

По само три сезони и 128 настапи, Елиф Елмас доби чест да ја носи капитенската лента која ја има носено еден Марадона.

Се ожени Мумин Елмас, братучедот на Елиф кој беше во елемент заедно со Гавазова. Што ти значи кога имаш добар везњак.

По напорната сезона со 46 настапи за Наполи на три фронта, Елиф се релаксира и ги полни батериите пред репрезентативните настапи на чист планински воздух. Се прошета низ зеленилото, ја посети чешмата, израдува еден куп деца, а потоа си седна излетнички на мезе.

Фудбалерите на Наполи освоија важни три бода на многу непријатното гостување во Бергамо. Точка на мечот стави Елиф Елмас кој го претрча цел терен и на одличното додавање на Лозано, во дуел еден на еден, итро го реши голманот на Аталанта.

Елиф, Енис, Даре, Боби и Џани на излез од стадион. Славете јунаци.

„Живееме во опасен и драматичен период и со сите наши следбеници мора да испратиме порака за мир. Тоа може да послужи за поттикнување на свеста за она што се случува. Со надеж дека доброто наскоро ќе триумфира над злото“, гласи пораката на Твитерот на Наполи.

По низа од неколку натпревари, Лучано Спалети одлучи да го седне на клупа Елиф Елмас, што сепак се покажа како добар рецепт. Македонскиот репрезентативец влезе, го освежи нападот на Наполитанците и по шест минути направи асистенција за водство.

Значи топката не му е наместена на линија или како што се вели од мртов агол, туку на уште потешка позиција. За тие што не го следат многу, на Елиф му е бетон првотимскиот статус во Наполи и тоа во последно време четврток - недела - четврток.

Наполи има водство на Камп Ноу, а голем дел од заслугите за тоа се на Елиф Елмас. Бисерот на Македонија со еден потег го прати Алба по бурек и му ја сервираше топката на тацна на Зјелински за 0:1, по половина час игра.