На Милан не му оди годинава во градското дерби и го губи по петти пат по ред. Ама затоа на навивачите им оди многу добро песната.

Италија вечерва ќе биде поделена куќа по куќа, кварт по кварт, општина по општина, што всушност и не е некоја новина. Северот го држат навивачите на Милан, а Центар и Југ оние на Интер.

„Тоа беше најкомплицираниот натпревар во мојата кариера. За да имам поголема концентрација, последните неколку минути пред стартот ги поминав сам во соблекувална и на глас ги читав имињата и бројките на играчите. Не смеев ништо да погрешам“, се сеќава главниот судија Жил Вејсиер.

Веќе неколку години режисерите на преносите намерно ги игнорираат падобранците кои скокаат на терен, за да не им се даде внимание дека прават нешто добро. Оној од кој објавивме снимка, легнат и соборен како добива непотребни удари од редар, претходно правел шоу на терен и успеал да им избега на петмина редари.

Навивачите често знаат да претераат со изигравање бесни глисти на терен, ама понекогаш и редарите губат памет. На дербито Интер - Милан му се сипаа на навивач и му направија туш како да е Ел Чапо во прашање, а еден од нив му влезе со боксови. Тео Хернандес и Ромањоли тргнаа да ги смират.

Борбата за врвот во Серија А допрва ќе станува возбудлива и неизвесна по конечниот исход на миланското дерби. Го нема Ибра, ама има друг ветеран кој со гол шоу направи спектакуларен пресврт. 

22 годишниот Алексис Салемакерс во еден момент се најде во триаголник на миланското дерби како на тренинг. Прими една топка на аут линија, се обиде со евтина финта да го помине Бастони, ама овој му се постави како Валтер Самуел, а потоа со помош на Перишиќ и Чалканоглу си го играа.

Секоја кореографија на градските ривали во Италија е приказна за себе и тоа на некој начин претставува дерби и меѓу навивачките групи. Овој пат го добија фановите на Милан кои одушевија и со идејата и со реализацијата. Едноставно ја погодија темата.

Градското дерби во Милано во 12. коло од Серија А заврши 1:1, резултат од кој веројатно никој не е задоволен. Интер останува на -7 од Милан, а пак росонерите не искористија голема шанса во финишот со која ќе беа лидери на табела.

Тешко е кога ќе загубиш градско дерби 3:0, па уште и во битка за прво место, а остај тоа него ни во понеделник не можеш да кренеш глава од поразот.

Деметрио Албертини 1:0, Маурицио Ганц 2:0, Дејан Савичевиќ 3:0, Франческо Колонезе 4:0 (автогол), Стеинар Нилсен 5:0. На денешен ден пред точно 23 години Милан му го нанесе на Интер еден од најтешките порази во дерби пресметките. Какви имиња, какви времиња.

На 17 октомври во 18 часот во рамки на 4. коло од Серија А се игра големото градско дерби Интер - Милан. Двата клуба во моментов статистички имаат најдобри резултати и најдолга серија без пораз меѓу сите тимови во Италија.

Вистински навивач на Интер ова го пие со сласт, а лименката ја чува додека не се излупи. Навивач на Милан никогаш нема да му побара голтка.

Годинава во Серија А не само што се игра топ фудбал, туку и стадионите се полни како ретко кога во последните неколку сезони. Тифозите прават прекрасни изданија на трибините.

Со одлична серија од 7 победи и 3 нерешени, Росонерите во топ форма го пречекуваа градскиот ривал. Натпреварот не само што не е како и секој друг бидејќи е градско дерби, туку е и битка за 3/4 позиција. Милан има 51 бод, Интер 50. Момците на Спалети се ранети од ЛЕ, а Гатузо го има супер јануарското засилување по име Пјонтек. Жешка најава на Милан во пресрет на вечерната битка закажана за недела 20:30.

На денешен ден пред точно 15 години Милан и Интер имаа нерешен резултат 2:2 до 85 минута, се додека Кларенс Сидорф не реши да испука еден топ кој ретко се гледа. Како ли само го изведе овој удар од толку далеку?

Двестедваесет и второто издание на Дерби дела Мадонина поубаво изгледаше на трибините отколку на теренот. Навивачите на Милан и Интер со недели работеле на преубавите кореографии кои ги кренаа синоќа на „Сан Сиро“.

По барање на Михајловиќ, Џанлуиџи Донарума заигра за Милан на 16 години и 242 дена и стана втор најмлад голман во историјата на италијанскиот фудбал. Стигна до четвртата сезона, но му требаат уште многу фурни леб за да го заслужи епитетот “наследник на Буфон“. Милан прима голови како никој.

Градското дерби меѓу Милан и Интер до толку има тежина, што Гатузо рече дека вечерва ќе биде важно како мундијалско финале. Ќе се потсетиме на едно неодамнешно со скроз неочекуван однос на навивачите на кое тренерот на Милан тогаш беше меѓу играчите и им рече дека се луди.

На 23 јуни 1985 година во полуфиналето на Копа Италија еден друг Икарди, помалку познат од овој денес, го решил големото градско дерби. Играл во не баш сјајна ера на Милан а со неговото заминување почнала големата берба на трофеи.

Градските дербија во Италија, без разлика дали се играат во прва, втора или трета лига, имаат посебен драж. Тоа е натпревар за кој се живее цела сезона, а битката на навивачите се води и во тоа кој ќе направи поубава кореографија. Кортеото на Миланистите звучи и изгледа моќно.

11 мај 2001-ва е дефинитивно датум на навивачите на Милан кои доживотно ќе ги реметат градските ривали за дебаклот кој ретко се гледа во градско дерби. На семафорот стоеше 0:6, болно за Интеристите. Во канонадата од голови учествуваа по два пати Командини и Шевченко и по еднаш Џунти и Сержињо. Неповторливо.

Откако кинеска компанија ги купи мнозинството акции на Милан нов главен оперативец на клубот стана Марко Фасоне, а досегашната алфа и омега Галијани заминува од клубот после 31 година. Навивачите на денешното дерби со Интер го испратија со парола: „Заврши и Кондоровиот лет, сега и ти си слободен играч“, алудирајќи така на праксата на Галијани да купува слободни фудбалери со сомнителен квалитет.

Свежите странски пари колку можат да бидат добри, толку можат да бидат и лоши. Во случајот со екипите од Милано за сега нема ништо добро, туку само една необична смена на термин на кој нема навивач кој не би се побунил.