Двајца пријатели на Путин, еден од детството, обајцата санкционирани од Запад заради врски со рускиот претседетел, обезбедија договори со државата вредни преку 8 милијарди долари.

Во март, САД ја ставаат Банка Русија на списокот за санкции. Инспирирани од ова Русите прво трансакциите од пазарот за струја ги префрлија да одат преку оваа банка (околу 2% БДП-то), а потоа истото го направија повеќе државни корпорации, локални власти, па дури и Црноморската флота во Крим. Русите намерно префрлија дузина вносни сметки во малата банка, ама и Американците не ја одбраа случајно баш неа.

На листата Руси што се најдоа под санкции на САД, се издвојува името на Генадиј Тимченко, човекот кој е делумен сопственик на компанијата Гунвор Груп (4-ти по големина трговец со нафта во светот и која во 2013-та имаше приходи од 90 милијарди долари). Се верува дека ова е човекот што ги пази парите на Путин во фирмата.

Со Русија управува организација налик Политбирото, составена од 8 моќници, а Путин е само човекот кој одржува баланс меѓу нив, се тврди во извештајот на московски Минченко консалтинг.