Во израмнет натпревар ФК на глуви СЛОБОДА и Аптив ги поделија бодовите
ФК на глуви СЛОБОДА 6-6(3-2) Аптив
ФК на глуви СЛОБОДА: Самир Чеховиќ 35’ Сатула Алими 35’ Јасин Алими 5’ 20’ 39’ Стојковски 2’
Аптив: Наумоски Љупчо 8’ 26’ 28’ Стаматовски Кире 3’ 37’ 38’
Израмнето прво полувреме одиграа ФК на глуви СЛОБОДА и Аптив, прва до водство дојде екипата на Слобода во 2та минута со голот на Стојковски. Следната минута екипата на Аптив со голот на Стаматовски израмни на 1-1. По овие воведни минути се продолжи со висок ритам на игра, со многу шанси за погодок и на двете страни, па екипата на Слобода во 5та минута со голот на Алими успеа да го превземе водството на 2-1. Екипата на Аптив на ова водство одговори со погодок во 8та минута и израмнувањер на резултатот на 2-2. Како одминуваше времето и се очекуваше на полувреме да се замине со 2-2, во последната минута од полувремето екипата на Слобода успеа да постигне погодок и на полувреме да замине со предност од 3-2. Второто полувреме донесе исто така интересен фудбал, со одлични акции и атрактивни потези на двете страни. Екипата на Аптив го засили темпото на игра што и донесе израмнување во 26та минута од натпреварот, а неколку минути подоцна ваквата игра и донесе и целосен резултатски пресврт. До крајот на натпреварот и двете екипи има свои одлични периоди на игра, па на крајот се заврши со реми и поделба на бодовите.
Деко Марков со гол во последната секунда и донесе победа на екипата на Тиквеш над Окта
Тиквеш 6-5(2-1) Окта
Тиквеш: Стефан Ѓалевски 17’ 30’ Деко Марков 9’ 40’ Филип Велјановски 23’ 37’
Окта: Драганче Стојановски 36’ Александар Јовчевски 24’ Драганчо Ѓорѓиевски 7’ Јасмин Личина 24’ 37’
Интересно прво полувреме одиграа екипите на Тиквеш и Окта, екипата на Окта одлично го отвори овој натпревар и со погодок во 7та минута успеа да го превземе водството на 0-1. По оваа негатива екипата на Тиквеш успеа да ги консолидира своите редови што резултираше со погодок во 9та минута и израмнување на резултатот. До крајот на полувремето екипата на Тиквеш имаше повеќе од играта што и донесе водство на полувремето од 2-1. На стартот од второто полувреме екипата на Тиквеш успеа да постигне погодок и да го зголеми водството на 3-1, но следуваше брз одговор од екипата на Окта која со два погодоци во 24та минута успеа да дојде до израмнување. До крајот на натпреварот се играше егал гол за гол и кога се чинеше дека натпреварот ќе заврши реми кај Тиквеш проработе Деко Марков кој со гол во последните секунди и донесе победа на екипата на Тиквеш.
Џојсон Сејфти Системс го доби дебитанското дерби со Водовод
Водовод 1-5(0-2) Џојсон Мети Системс
Водовод: Арслан Бејта 23’
Џојсон Мети Системс: Стефче Велковски 15’ Живко Стојкоски 7’ 38’ Борче Аргиловски 27’ 40’
Динамично прво полувреме одиграа екипите на Водовод Скопје и Џојсон Сејфти Системс, ова полувреме во целост и пирпадна на Џојсон Сејфти Системс кои со погодок уште во раната фаза поточно во 7та минута успеаа да се стекнат со водство од 0-1. Екипата на Водовод со честа ротација на играчи се обидуваше да дојде до израмнување, но екипата на Џојсон Сејфти Системс со одлично поставена игра во одбраната ја сочува својата мрежа мирна, а во 15та минута постигна и втор погодок за водство од 0-2 на полувреме. Во вториот дел на екипата на Водовод не и преостана ништо освен да тргне во целосна офанзива, таквата игра и донесе резултат во 23та минута за намалување на резултатот на 1-2. Екипата на Водовод по овој погодок продолжи со офазивна игра, но заборави на својата одбрана што екипата на Џојсон Сејфти Системс знаеше да го искористи за на крајот да го добие овој натпревар со 1-5.
Шампионот Матрикс сигурен во првиот дуел со ЈСП
Матрикс7-3(3-2) ЈСП
Матрикс: Петре Даиловски 9’ 14’ 37’ Драган Брњарчевски 25’ 39’ Мирко Богески 6’ 23’
ЈСП: Велко Серафимовски 37’ Сабит Хусеини 17’ Златко Галамарев 20’
Прво полувреме во пеколен ритам одиграа екипите на Матрикс и ЈСП, првиот дел од полувремето и припадна на екипата на Матрикс која до 14та минута успеа да постигне 3 погодоци за високо водство од 3-0. Екипата на ЈСП не се откажуваше лесно од овој натпревар па тргна пожестоко кон голот на екипата на Матрикс и во последните минути од полувремето успеа да постигне два погодоци и да го намали водството на 3-2 резултат со кој се замина на полувремето. На стартот на второто полувреме екипата на Матрикс успеа да постигне два погодоци и повторно да се стекне со солидно водство од 5-2. По ова екипата на ЈСП со чести ротации на играчи и промена на тактика се обидуваше да фати резултатки приклучок но екипата на Матрикс со одлична игра во фаза на напад и одбрана успеа да го добие овој натпревар со резултат од7-3.
