Организаторите на Олимписките игри во Лондон добија многу критики од гневните гледачи кои не успеале да купат влезници, а на ТВ екраните забележале многу празни седишта.
На првиот натпреварувачки ден во Акватик центарот се одржа првата голема битка помеѓу Мајкл Фелпс и Рајан Лохте, но сепак 500 седиште останаа празни.
Илјадници празни места може да се забележат и на натпреварите во одбојка, салата за гимнастика и фудбалските стадиони.
Оправдувањето на организаторите е дека останале празни седиштата предвидени за спонзорите, политичарите и членовите на олимписките комитети кои имале акредитации, но немале интерес да ги следат настаните од прелиминарните рунди. Сепак тие најавија дека ќе спроведат истрага за тоа на кого поделиле акредитации и ќе се обидат да ја спречат оваа појава во следните денови.
