Триумфално отворање на Луис Хамилтон

Возачот на Мерцедес стигна до 34. подиум сèвкупно од минатата сезона. Второто место му припадна на Нико Розберг, додека трет заврши Себастијан Фетел во своето деби за Ферари.

 

Трката во Австралија ја обележаа многу проблеми со пневматиците на речиси сите останати тимови. Хамилтон успеа да го задржи водството во текот на целата трка и сите 58 кругови беше прв. Германецот и тимски колега на Хамилтон, Нико Розберг за второто место возеше практично сам, додека Фетел до третата позиција дојде после голема борба со Фелипе Маса од Вилијамс.

 

Трката на патеката „Алберт парк“ стартуваше со 15 возачи, а на крајот целта ја минаа само 11. Отворањето на сезоната покрај доминацијата на Хамилтон мина и во одличниот настап на Фетел и младиот Фелипе Наср од Заубер. Фетел затоа што заврши трет уште на првата трка во болидот на Ферари, а Наср зад себе го остави фаворитот за подиум Даниел Рикардо.

 

За одбележување е и слабата трка за најмладиот дебитант во историјата на Ф1, Макс Ферстапен кој мораше предвреме да ја заврши трката, но не поради своја вина. Следната трка на Ф1 продолжува на 29. март со трката за Големата награда на Малезија.