Страшен небесен скок на Домен Превц, го сруши рекордот на брат му

Домен Превц продолжува да доминира во Светскиот куп и уште еднаш покажа зошто важи за најдобар ски-скокач на денешницата, откако славеше и на скокалницата во Кулм во Австрија со што ја запиша шестата победа по ред. Словенечкиот ас беше најдобар уште по првата серија со скок од 238 метри, а во втората блесна со лет долг 245,5 метри.

Домен го урна рекордот на својот брат Петер Превц, кој во 2016 година имаше скок од 244 метри. Второто место го освои Австриецот Штефан Ембахер со скокови од 240,5 и 225 метри, додека третата позиција му припадна на Норвежанецот Форфанг со 225,5 и 224 метри.