Вилијамс помладата пишува историја

Серена Вилијамс годинава има 48 победи и 2 порази. На тврда подлога таа има учинок 32-3. Минатата година го освои шестиот УС опен во нејзината кариера, а трет по ред. Оттаму овој Грен слем го доби прекарот Серена Слем. Вилијамс помладата, која следниот месец ќе наполни 34 години последните години мина низа препреки, болести и проблеми.

Штефи Граф, Германката која имаше убиствен форхенд и спринтерска брзина во 1988. година го освои Грен Слемот заедно со Олимпиското злато истата година. И тоа на 19 години. На 27 мечеви на Австралијан Опен, Ролан Гарос, Вимблдон и УС Опен, Штефи Граф загуби само два сета. Во финалето на Ролан Гарос, таа ја победи Наташа Зверева 6-0, 6-0 за само 32 минути.

Во Мелбурн, Серена имаше настинка во финалето но и покрај тоа ја совлада Шарапова. Во Париз повторно закачи сериозна настинка и беше пред откажување од настапот, но во полуфиналето славеше во пет сета. На Вимблдон играше против публиката која беше на страна на домашната миленичка Хитер Вотсон. На крајот го освои и Вимблдон со два брејка во третиот сет.

 

Својот прв УС Опен, Серена го освои во 1999. година.

Меѓу 2010 и 2011, Серена правеше пауза поради пад на имунитет кој сериозно ја загрози нејзината кариера. Сепак, се врати и ги одигра најдобрите три години во нејзината кариера со 8 Грен Слеми и вкупно 28 титули. Повеќе од половина (123) од нејзините 255 недели на врвот дојдоа во овој период по болеста.

 

На УС Опен, Серена ќе има една препрека помалку, затоа што Марија Шарапова го откажа учеството поради повреда. Второрангираната Симона Халеп од Романија сè уште нема Грен Слем трофеј и на 7 средби со Серена Вилијамс има само една победа. Каролина Вознијацки е во пад на формата и цела сезона беше повредена. Таа не ја победила Серена повеќе од три години.

 

Сè вкупно, Серена Вилијамс има учинок од 34-2 против наброените тенисерки. Во првото коло од УС Опен ќе се сретне со 86-то рангираната Виталија Диатченко од Русија.