Офсајд лик на колото: Михаил Антонио од Вест Хем

Ова на колото е некако малку, а не е доволно да се каже ниту на месецот. Веројатно „Офсајд лик на сезоната“ ќе заврши работа и ќе биде адекватно кажано за овие сцени и за историја, но и за сеир.

Вест Хем понеделнички го растури Лестер со 4:1 со што го заокружи 2. Коло во Премиер лигата. Ефикасен натпревар зачинет со историски шмек и шоу на двојниот стрелец на мечот кој се истакна со нов изум за прославување гол.

Забавата се случуваше во 80-та и 84-та минута кога Михаил Антонио ги даде последните два гола на средбата и го изнасмеа цел стадион.

Знаете ли со кого го прослави Антонио голот? Со Антонио или поточно со самиот себе. Се пронајде во картонска верзија и се крена во вис. Циркузи.

Англичанецот со јамајканско потекло всушност има двојна причина за славење, а втората е тоа што стана клупски рекордер на Вест Хем со 49 голови. Пред него прв стрелец на клубот беше легендарниот Паоло Ди Канио кој го држеше приматот со 47 комада.

31 годишниот Антонио кој од 2015-та е член на Вест Хем привлече разни коментари за прославата. Некои велат дека е смешна, други симпатична, трети епска.

Како и да е ова е планирано сценарио за кое навивачите имаат право да се смеат, но пред сè да аплаудираат поради постигнатиот рекорд, срушен по две децении.

24 август 2021 - 13:21

Штета ако сте пропуштиле

Џинџер Бејкер, терсене

I Love This Game

Графит на денот

We can be Heroes...