Македонија го доби првиот таеквондист на Олимписки Игри во историјата

Европскиот квалификациски турнир за Олимписки Игри во категоријата над 87 килограми се одржа во Софија. Таму нашиот Георгиевски успеа да го совлада државниот шампион на Азербејџан, земја позната по квалитетни спортисти во боречки вештини и го оствари најголемиот резултат во својата кариера.

Дејан во мечот кој значеше виза за Токио беше повешт од Радик Исаев и заслужено ќе патува во Јапонија летово.

Претходно нашиот таеквондист оствари победа и против Динко Шегетин после која се избори за финален дуел со Исаев.

Од Македонија во моментов сигурни патници се Дејан Георгиевски (таеквондо) и Могамедгаџи Нуров (борење). Се очекува ним да им се придружи и каратистот Емил Павлов кој наскоро треба да настапи на квалификациски турнир.