Во неизвесна завршница Гранит го совлада Еуро Табак
Гранит 5-3(2-2) Еуро Табак
Гранит: Сашо Каровски – Џуме 10’ 32’ Дарко Стојановски 13’ 40’ Ернанд Рамдедовиќ 22’
Еуро Табак: Влатко Богдановиќ 10’ 16’ Никола Зафировски 35’
Првата фаза од полувремето од натпреварот помеѓу екипите на Гранит и Еуро Табак се одвиваше во висок ритам на игра, двете екипи буквално се растрчаа по теренот. Уште на самиот почеток и двете екипи имаа одлични шанси за гол но голманите беа на висина на задачата. Во 9та минута екипата на Еуро Табак организираше контра напад и со прекрасен погодок успеа да го отвори резултатот, радоста на Еуро Табак траеше кратко бидејќи веќе во следниот напад екипата на Гранит преку Каровски успеа да изедначи. До крајот на полувремето и двете екипи постигнаа уште по еден гол за резултат од 2-2 на полувремето. Во второто полувреме на самиот старт екипата на Гранит тргна поконкретно во нападот и веќе во 22та минута успеаа да го превземат водството. Екипата на Еуро Табак со сите сили се обидуваше да ја анулира предноста, но екипата на Гранит доста умешно го чуваше водството и го доби овој натпревар со резултат од 5-3.
Лукоил преку контра-напади до победа над Џонсон Мети
Џонсон Мети 2-6(1-2) Лукоил
Џонсон Мети: Младен Спасовски 11’ Христијан Стојановски 40’
Лукоил: Мартин Алаѓозовски 8’ 28’ 30’ Анѓелчо Арсов 20’ Владимир Секулоски 39’ Гоце Мојсоски 40’
Динамично прво полувреме одиграа екипите на Џонсон Мети и Лукоил,уште на стартот од натпреварот и двете екипи тргнаа во целосна офанзива.Во првата фаза од полувремето и на двете страни видовме одлични шанси за гол,потези и прекрасни удари од далечина.Во 7та минута екипата на Лукоил организираше одлична акција која ја круниса со погодок.По примениот погодок екипата на Џонсон Мети со сите сили тргна во нападот обидувајки се да ја анулира предноста,тоа и се случи во 11тата мин преку својот голман со кој одличен погодок од својата половина реализираше за 1-1. До крајот на полувремето видовме уште по неколку шанси за гол и на двете страни,екипата на Лукоил во последната минута од полувремето успеа да реализира за водство на полувремето од 1-2. Во вторто полувреме и двете екипи продолжија со висок ритам на игра, офанзивно. Во второто полувреме екипата на Џонсон Мети уште на самиот старт со сите сили се обидуваше да го израмни резултатот, тргна во нападот и со таквата отворена игра заборави на обраната што ја чинеше скапо и го загуби овој натпревар со 2-6.
Искуството на ЈСП пресудно во дуелот со Бетон
Бетон3-5(0-3) ЈСП
Бетон: Иван Николовски 27’ Даниел Аврамовски 33’ Никола Тодоровски 35’
ЈСП: Далибор Миленковски 1’ Томи Петковски 14’ Даниел Антовски 14’ 28’ 31’
Уште на самиот старт од првото полувреме екипата на ЈСП во првата минута го отвори резултатот што најави ефикасен натпревар. Но по овој брз погодок и двете екипи како да го смирија темпото на игра и играта ја префрлија на средината на теренот без многу шанси за гол и на двете страни. Екипата на Бетон се обидуваше да го анулира рано стекнатото водство на ЈСП и тргна во поофанзивна игра, но ЈСП не дозволи изненадување па на полувремето замина со предност од 0-3. Во второто полувреме екипата на Бетон прикажа нешто подобра игра и со добро организиран напад во 43та минута успеа да намали на 3-5. Но искусниот ЈСП не дозволи превсрт и влезе во мирна завршница за победа на овој натпревар со истиот резултат од 3-5.
